بحثت كثير عن الموضوع الي قلت لكم تجهيز عرايس بفتره قصيره مالقيته لاكن بكتب الي اتذكره بنفسي وعسى مانسى شي
اول شي روحي للشماسي او اي محل تفضلين يبيع سنط سفر وخوذي لك طقم حلو الي يجيك قطع كبير وسط وصغير وشنطة يد وشنطة ذهب
ويوم فستان زواجك
يوم فساتين سهرات
يوم ملابس بيت او يومين
يوم قمصان نوم او يومين لانها اكثر شي طبعا
يوم لبس طلعات فخمه تناسبك كعروس واشوف 4 كفايه او5 حسب عزايمكم واطباعكم
يوم لبس طلعات يكون لاهلك او اهله او زيارات عاديه مو رسميه من بناطيل فساتين قصيره وطويله حسب رغبتك
يوم للاجهزه من استشوار وفير ومملس ومكينة نزع شعر ومكينة شمع
يوم لاغراض الصيدليه خليها اخر شي واكتبي قبل تروحين وش تحتاجين عشان ماترجعين كل شوي
ويوم مكياج
ويوم لو بتروحين ايكيا او محل تاخذين منه شموع وعلب لاغراضك وفواحه واالي تحتاجينه
يوم شراشف صلاة وسجاجيد
يوم شنط لللطلعات مع جزمها طقميها بنفس الوقت لفستان زوواجك ولبس السهرات ولبس المناسبات اشوف بالكثير 7 لانها بتقدم وانتي ماخلصتيها وخذي كم بوك معك
ويوم للجزم والشنط للطلعات العاديه والعمليه
يوم للاكسسوارات والمجوهرات والساعات وهالاشياء
يوم لمفارش السرير واغراض الحمام وعلب للحمام الله يكرمكم ولاتنسين االارواب تاخذين طقم لك وقطم له
ويوم للعطورات وخليها اخر شي وانا ااشوف ماتكثرون بتجيكم هدايا
خوذو واحد مجموعه فرنسي واحد مخلط خصوصا الي بتتزوج بالشتاء افضل العطور الي بريحة بخور وخشب صندل
واذا كنتي تحتاجين دكتور اسنان او دكتور جلديه او دكتورة نساء خلصي شغلك اول بهذي عشان ماتتعبين قبل الزواج
وايوه فيه شغله حنا عندنا البنت تختار غرفة نومها واثاث بيتها لو حبت اذا مثلنا اختارو من بدري وفصلو كل شي قبل وطبعا هو يدفع مو انتي
واذا بعد طبعكم تخلون العرس على البنت جهزي كل شي من بدري حنا العرس على البنت بسسس ماله دخل بمهرها ابد
طبعا ابوها البنت يصلح الزواج كله عليه ابدي تجهيزات من بدري مثل المصوره خوذيها بدري والطقاقه لايروحون الزينات وماتلقين شي
اتمنى اكون مانسيت شي والي تحتاج اي شي لا يردها الا الكيبورد وبالتوفيق لكم كلكم والعقبال للي ماتزوجو يارب
وفيه حاجه كثير عرايس يخطون فيها تشتري مثلا بناطيل ماركبت بلايز
او بلايز ماركبت لها بناطيل وتنانير
ركبي بيومها وبنفس الطلعه ولا رجعيه بس تخسرين على الفاضي...بقطتكم
انا يابنات مو متزوجه والموضوع طويل يبي لي فتره اقرا فيه بس نصيحه لكم
بنت عمتي واختي يوم يتزوجون انا معهم بالتجهيز كثرو مشتريات من قمصان نوم ومن لبس سهرات ومن كل شي الله يكرمكم حتى الجزم ملو الدواليب
نصيبحه لا تكثرون قمصان النوم خذو اكثر شي هي تصير لان اكثر وقتك بالبيت ولبس البيت بعد من شورتات وبراميد وفساتين قصير وطويله حدوو لبس البيت4 الاف بالكثير وقمصان النوم 3 الاف بالكثير4
اما بخصوص فساتين السهرات بتقدم ماخلصتيها اشتري اثنين او 3 واذا احتجتي خلي معك مبلغ لو 3 الاف بعد الزواج السوق مو طاير ياخوات
وبخصوص الصيدليه حددي لك مبلغ 800 بالكثير وشوله الفين و3 اغراض صيدليه؟؟
اشتري هالاشيا المهمه والباقي تجيبينه بعدين
مثل شامبو 2 لشعرك
2 صابون سايل للجسم
كيسين امواس الورديه
فوط استخدام يومي وفوط للدوره الله يكرمكم خذي كم كيس لانك بتستحين تقولين له
اعواد اذان مقص اضافر مبرد اعواد اسنان غسول الوجه
كريم للحساسيه لو انتي تتحسسين
كريم عرق الي يقطع الريحه يستخدم بعد الاستحمام وهذا مهم بعد الاستحمام
كريم جسم ويدين
منجات جونسون زيت الجسم وجل بيبي جونسون وشامبو الشعر لو تحبين وبودة الاطفال البيضا انا احبها للطلعات اذا بتمشى تبرد على الجسم خاصه بودرة ماركة نووووووووووووووووووووووونووووو ووووووووو
اممممممم وش بعد
ايوه هذا مهم حلاوة الفم وبالنعناع وغسول الفم وشرايح اللسان وسكراب لسان وعلك خذي وكثري
فرشتين اسنان مع معاجين صغيره للشنطه وكبيره للبيت وخذي له لو هو نسي
ليفة جسم بودي شوي الي شكل ورده
وخذي بعد اليفه الطويله الخشبيه حلوه وفيه مثله صغيره الكبيره ب60 والصغيره ب20
كريم ليل وكريم نهار لبشرتك واقي شمس للسفر وكيلوتات الدوره مهمممممممممممممه لاتنسونها
عسى ماكون نسيت شي هذا الي يحظرني بس بالمختصر لا لا لا لا لا لا لا لا لا لا لا لا تكثرون السوق مو طاير خذي الي تحتاجين يمكن تحملين ولا شي حرام هالخساير كله تنكب بالزباله
وبخصوص الحمل انصحكم تاخذون اشياء بالاعشاب الطبيعيه اسالو امهاتكم افضل
ابتعدو عن الحبوب نهائيا اعرف كثير جاهم عقم على طول والسبب الحبوب
يتبع
........................................................................................................
وبخصوص البس البيت انا اشوف افضل شي انك تاخذين من سيتي ماكس رخيص ولو نبشتو فيه بتلقون اشيا مميزه والله كنت محتقرته والحين ماشتري للبيت الا منه
خوذي شوتات نص الفخذ اثنين او ثلاثه
بارميد 3
بناطيل طويله 3
10 بلايز تركب معهم كلهم
وخذو فساتين 5 قصيره و5 طويله للبيت فقط واحرصي يكون الوان لبسك مختلفه مثل البناطيل خذي جنز تفاحي فوشي واذا حابه تزيدين اسود او ابيض
لبس النوم
خذي 10 قصير فوق الركبه
10 قصير تحت الركبه
5 طويل
5 بيبي دول
والكيلوتاب استخدام يومي خوذو 10 اطقم قطنيه
و10 سهرات الوان متفاوته او5 على حسب لبسك
واذا حابين خوذو لبس رقم مصري او مغربي وسوي يوم لك استايل جديد
ولبس الطلعات خذي كم بدله فخمه للطلعات الاجتماعات الكبيره
وللسهرات 2 او3
والجزم والشنط الله يكرمكم
خوذو كعوب مع شنط تكون وسط لاتاخذين صغيره مره ولا كبيره مره وسط افضل
بيج او بني واحد منهم
ابيض اسود فضي
واذا حابه لون مميز زياده احمر او فوشي او اي لون تحبين
وخذي بعد سنطتين عمليات وجزمتين عمليات سبوت او فلات للطلعات للي يريحك وتكونمن النوع الخفيف مو متعبه بالشيل ولها سير
وصنادل البيت خذي كم نوع فلات وكم نوع كعب خفيف بس
وشباشب
وبخصوص العطور افضل انكم ماتكثرون لان بتجيكم هدايا
خذو طقم فرنسي من نكتار ولا بودي شوب ولا وجوه
وطقم الي يجي مخلط كانه عود على حسب الي تحبين من العربيه للعود ولا الماجد ولا الدخيل او اجمل
وخوذو صناديق غرف النوم بتحتاجونه كثير للاكسسوارات والاغراض اشوفه مهمه كثير وتدخلينه بالدولاب لو بغيتو او على التسريحه
وحطي عند كومدينتك حلاو نكهات وعلوك لو تحبين
والي بتسافر برا نصيحه لكم خواتي لاتاخذين للسفر شنطه مبالغ فيها اعرف بنت اخذت شنطه فخمه حقت السفر وانسرقت بالمطار خوذو شي عادي ومعقول
واتمنى اكون افدتكم وكلامي واضح لاني اكتب كذا مارتبت كلامي
وفيه شي الاجهزه خذي اجهزة نزع الشعر فيه حقت الشمع الي تحطين قالب شمع ومعها مناديل هذي مررررررره مميزه مناسبتني بالمرره وتطول ماطلعت الشعر بس كثري مناديله تراه يقضي عليك تلقينه بمحلات التجميل
وخذو مكينه لو تبون الي معه جل ثلجي حلوه
واستشوار خوذو اثنين ومملس وفير لو تحبون حق التكسير حلو برب اي شي بتذكره برجع لكم انا عندي خبره بتجيهز العرايس من البنات الي اعرفهم ههههههههه
بالتوفيق حبيباتي وادعو لي بالزوج الصالح الجميل الي يطيب خاطري ....بقطتكم