القابضه ع الجمر " صديقتي وحجابها"

السلام عليكم ورحمه الله وبركاته

بنات محتاجه منكم كلمات ونصائح تساند أخت لكم في الأسلام

صديقتي موظفه في مكان تقريباً كل البنات اللي فيه يلبسون عبايات ع الكتف والأغلب كاشفات
مافيه منقبات الإ ينعدون ع الأصابع وصديقتي من بينهم منقبه وعبايه ع الراس

طبعاً في مكان عملها تنزل العبايه ماتحتاجها لان الوظيفه في مكان نسائي بس بعض الأحيان مرتين أو ثلاث بالأسبوع يكون عندهم طلعه لمكان ثاني ويكون فيه تصوير او عمال فتترك عبايتها عليها
تحس ان عبايتها تقيد حركتها وغير كذا نظره البنات لها سلبيه مع انها هي الصح وهم الغلط
غير كذا تكون عندهم ندوات خارجيه فهم يبقون بعبياتهم بس يحطو طرحهم ع اكتافهم وهي بيكون شكلها مبهذل لو نزلت عبايتها ع الكتف يدوسون ع طرف عبايتها و يتضايقون من صديقتي وعبايتها
هي ناجحه في شغلها بس تحس ان عبايتها تقيد حركتها
تحس نفسها منبوذه بينهم .. شاذه
كثير قالت لي بلبس عباه ع الكتف بس انا عارضتها
قالت بسئل شيخ علشان يفتيني
صديقتي محتاجه لمؤازره محتاجه لكلمات تساندها باللي فيه ماتحتاج فتووى ...
تكفون يابنات ابيكم تنصحونها برسل الموضوع ع أيميلها ..

الله يجزاكم خير بكل حرف تقولونه لها والله يكتبها بموازين حسناتكم