رجعت للموضوع ^_^ حبيته
طيب بعطيكم اسعاري كنت ابيع شنط
كنت اوقات اشتغله لحالي اوقات تساعدني صديقتي واوقات اطلبه من مصر
وماكان يقنعني غير شغلي لان الخيط ماكنت اقطعه اخفيه فيبين الشغل نظيف والاعمده مرتبيه مافي ميلان او شد اكثر من اللازم او توسع اكثر من اللازم وهالشي ممكن يبين ان الشغل مو حلو >طبعا كلامي عالشنط
واللي تحب تشتغل بالشنط فنصيحه احلى خيوط جربتها وكانت جدا نتيجتها حلوه خيط سما ومصر البيضا وكلهم اشتغلتهم بفتله مع ان مصر البيضا فتلته انحف من سما لكن كلهم لهم جمالهم بالشغل وضروري ماترخي الشغل شدي شوي لكن مو شد قوي بحيث يتكرفس الشغل
وكنت ابيع الشنط حسب مااشوف مناسب يعني ماعندي سعر معين
اوقات ب50 صغيره من غير بطانه >وكان المستخدم فيها صوف ابو خروف عند خواتي شنطتين لنفس الخيط ماتغيرو مع ان لهم اكثر من سنتين وممكن ثلاثه
واوقات ب70 اكبر من الصغيره بشوي مع بطانه ونفس الصوف
والكبيره ب90 من غير بطانه وبعت من الكبيره على 100 بالبطانه وكمان وصل السعر الى 120
ووقتها كانت الشنط تمشي بسرعه لاني كنت اشتغل كميه ويتم عرضها مو عالطلب >>راح تشوفي زباين كثير لو اشتغلتي كميه وعرضتيهم على صحبات اختك وصحباتك واي احد او حتى بمهرجان غير النت لان مابتشك الزبونه هل الشغل نفس الصوره هل الالوان نفسها هل بالطبيعه حلوة واوقات اشخاص يصورو اعمالهم لكن بتغيير باللون فلما تستلم الزبونه غرضها تنصدم باللون فغالبا لما يشترون قدامهم افضل بالنسبه لهم واسرع بالنسبه لنا فالبيع
بعدها وقفت شغل صرت اشتغل حسب المزاج وصرت اوقات اشحن وصار عندي شوية ضغط واضطريت استعين بوحده من مصر ووصلتني الطلبيه وصرت انا الزبونه وندمت كثير لان الحجم اقل مايقال ان معمول لطفله وكويس ان اللي طلبته كانت قريبتي غير ان بعض الشغل كان مرخي والفينش مو تمام فبعدها حرمت اطلب شنط وتصادفتمع وحدة واشتغلت فستان وتبارك الرحمن شغل نظيف ورائع مع ان الصورة كانت جدا سيئه وكنت باخر وقت راح اخليه على جنب لحد ماوصلني هريته تصوير ماشاءالله من جماله
اممم كلام كثير >_<
ومااتكلمت عالاسعار
بالنسبه للشغل عادة مااهتم للخيط كثر مااهتم للشكل النهائي يعني تسعيري عالشكل
مثلا اخر شغلي بالشنط كا بالقطن فاشتغلت شنطه بخيط سما واشتريت بطانه قطن وركبت ايدين حديد
فكلفني >خيط سما 4 بكرات بحدود 20 من غير الشحن -بطانه5-خياطه-10-ايدين-10 لكل قطعه =20-
كله 55 اضيف قيمة شحن ممكن 15 =70 بعتها ب120 او 150 واللي خلاني انزل سعرها ان الشغل بيرفكت لكن الخياطه لعبت بالبطانه وخلتها مقلوبه فحسيت ان جمالها قل
شنطه ثانيه كلفتني خيط مصر البيضا 50 جم 4 بكرات وفاض شوي مااكذكر سعره لكن رخيص ممكن 20 -5 بطانه-10 خياطه-20 ايدين
55 +شحن 15=70 بعتها ب120
اممم الشوزات
ماابعت غير مره والبقيه هدايا واللي بعتها لطابة تفصيل عطتني باترون واشتغلته لها وكان ب30 اتوقع الخيط صوف اسود جدا مو حلو بس طلبها وماكلفني غير ريال اتوقع لكن بالنهاية الشوز مرتب ونفس المقاس ومضبوط ماشاءالله
وردات 3 وردات الحبه ب5ريال 3 حبات ب15 طبعا لنفس الطالبه وكان طلب نفس الباترون
فالشوز اشوف انسب سعر من 20 ل35 للاطفال ل12 شهر وحسب الخيط وممكن تطقمي شوز وطوق فيصير ب 35-45
الفساتين من 180 طقم والفستان لحاله ممكن ب130 طبعا لمواليد ل3 اشهر
ل12 شهر مابيزيد عن 200
والكبار احس التسعير لهم في صعوبه
اممم كلامي كثير بس ان شاءالله حد يستفيد واللي تعرف وحده من مصر امينه وصادقه ممكن توفرلي خيوط باي وقت ترسللي بس تكون عندها تشكيله وممكن ادلها عالمحلات هناك مو مشكله لكن ضروري الصدق والامانه ^_^

مشكوره تاجره حلوة ع التسعير افدتيني كتير

انا اشتريت من بازار وحده مصريه شوز بيبي صيفي ١٠ ريال وشتوي ١٥
وشوزات لبنتي بعمر ٣ سنوات ١٥ ريال
شريت قبعات اشكال يمكن ٥ موديلات الحبه ٣٠ ريال
وشريت منها بطانيه الارنوب ب ٨٠ ريال
اخذتها متفرقه مو كلها بيوم واحد
لاني اخذت رقمها وصارت اذا سوت جديد اتصلت سويت جديد
تجي توريني انا اشتغل بس مو دايم لان مو فاضيه دوامي شاغلني

السلام عليكم ورحمه الله وبركاته
بنات انا عندي اقتراح اننا نسوي موضوع خاص بتقييم الاعمال الي نسويها نسميه مثلا نادي الاسعار كل وحده فينا تعرض اعمالها والخبيرات يسعروا لها العمل بحيث انك لا تظلمي ولا تنظلمي وكل واحد ياخذ حقه. ويتثبت الموضوع ويكون مرجع لنا جميعا

بخصوص الاسعار مره جربت ابيع ومن بعدها هونت كانت تعليقات مفاتيح عرضتها بــ5 ريال وكان نوع الخيط ممتاز وشافواها مره غاليه واشكلها مميزه مو عشان انا لي سويتهاا لكن مافي احد يقدر الكروشيه وسعره الا لي يحبه ..

من بعدها اي شي اسويه اهديه .