السلام عليكم ورحمة الله وبركاته اكلة القاورمة اكلة لذيذة بتاعة زمان وحبيت للمايعرفهاش يعرفها وخصوصا انها سهلة اوي ياللا بينا بسم الله الرحمن الرحيم اسلق اما لحم او دجاج بس انا هنا سلقت اوراك دجاج مخلية
نحمر بصلة متوسطة لحد وبعدين نضيف عصير الطماطم لحد لما تطخن ونزود بالمرقة كاننا بعمل تخديعة عادية اللي بنعملها في اي طبخة 
اقشر بصل حجم صغير زي ده 
اضيفه للطماطم واغطي الحلة واوطي النار لحد لما البصل يستوي اضيف اللحم او الدجاج يغلي معاه 10 دقايق ونغرفه ويتاكل مع الخبز او الرز بالشعرية اسيبكم مع الصور 
وهنا شكله بعد الغرف
نعمل الرز بالشعرية
نحمر الشعرية في سمن ولما تحمر اضيف الرز المصري اللي الحباية صغيرة واقلبه واحط الملح واضيف المية ولما تغلي اوطي النار
واسوي بالطريقة العادية بس ماقلبوش كتير يعني مرة بعد لما يتشرب المية ومرة قرب انتهاء السوا
وهنا وجبتنا كاملة
ياريت تجربوها وانا مستنية رايكم سهلة ولذيذة وبالف صحة وعافية
اسيبكم في رعاية الله سلام عليكم