اختي صاحبة الموضوع
دخلت ارد عليكي وشفت كلام الانسانة هاذي
الله يشغلها في نفسها

الموهيم اختي تراه حلالك مو بالحرام لكن انتبهي من المحظور
الله يوفقك

انااااااا لله !!!!
دحين اشبكم قبلتوها مناقرة ؟؟؟
كل وحدة تقول رايها من غير غلط ..
التشابيه البايخة والتخبيط في الاصول والعادات ماااالأمه داعي ..
كل وحدة وبيئتها ومجتمعها ..
كون الفكرة مو مقبولة عند وحدة مايعني ان الفكرة غلط
عشان انا ما اتقبل فكرة معينة وانا عارفة انها مو حرام
اقوم اغلط في اللي عكس رأيي وفي اصلها عشان رأيها مو عاجبني ؟؟؟
ايش المنطق هذا ؟؟؟؟
انا عن نفسي ما اتقبل حكاية الضم والبوس في فترة الملكة ...
وعندي اسبابي ... وانا حرة !!!
اجي احط ردي ورأيي لصاحبة الموضوع من غير ما اتهجم على افكار الغير !!
والمفروض احسب حساب ان تفكيري اللي نشأ من بيئتي والاشياء اللي تعودت عليها
يختلفوا تماما عن وضع صاحبة لمشكلة ..
وقتها يا اما اقولها هذا زوجك واذا الوضع عندك يسمح بانكم تجلسوا لحالكم كثير
وانتي تتضايقي من حركاته ..
حاولي تتكلمي معاه في الموضوع انه يخفف شوية عشان تحسي براحة وقت وجوده
او تحددوا موعد زواجكم وتمسكيه من هذا الممسك ..
تقولي له زواجنا باقي عليه الفترة الفلانية واصبر ان الله مع الصابرين
اقترح عليها حلول ..
استوعب انها ماجات قالت اللي قالته الا لانها متضايقة وتبغى ردود تريحها !!

والا اقول رأيي الشخصي
واحرص على توضيح ان هذا تفكيري وقناعتي
واني احترم كل الاراء واشوفها صحيحة لكن المسألة تتعلق بالبيئة
وانا تربيت في بيئة تقول ان الحدود في فترة الملكة حلوة
واشرح لها اسباب اللي قلته وهي حرة تاخذ باسبابي والا لا ..
اقولها لانك لسه في بيت اهلك وماتدري ايش ممكن يصير في المستقبل
والبوسات والاحضان يمكن في يوم يزيد العيار فيهم
وتلاقي نفسك في وضع المفروض مايصير الا وانتي في بيت زوجك ..
( ما اتكلم عن المعاشرة الكاملة .. قصدي التمهيدات المهببة اللي قبلها واحيانا ملامسه خارجية )
لان زوجك ممكن يجبرك وبالشرع .. يقولك انتي زوجتي وهذا حقي
وتضعفي وتستسلمي ... وصارت لغيرك كثير ..
لو لاقدر الله صارت بينكم مشكلة وقررتوا الانفصال ..
منظرك حيكون بايخ قدام نفسك وقدام شخص ثاني ممكن تنخطبي له
ممكن في لحظة يسألك عن زوجك الاول .. اللي كانت علاقتك فيه ملكة فقط
ويقولك كيف كانت حدودك معاه ؟؟ باسك ؟؟ حضنك ؟؟
ساعتها صدقيني عيونك بتقول كل شي حتى لو كنتي اشطر ممثلة وسبكتي الدور في الانكار
الرجال ماهم اغبياء .. يعرفوا اكثر من اللي تتوقعيه
الرجال في فترة الملكة يعطي نفسه حق مايعطيه لغيره لو خطب وحده كانت مملكة على واحد قبله
ويضرب بوز لو عرف ان خطيبته اللي مملك عليها كانت ترضى لخطيبها الاولاني اللي برضه كان مملك عليها انه يبوسها ويحضنها
اقل كلمة ممكن يرميها .. ماشاء الله انتي كذا كنتي متزوجة مو مملكة وبس ..
سميها تناقض .. سميها انانية .. سميها اللي تسميه
الرجال كذا .. ربي خلقهم انانيين
وارجع اقول .. هذا رأيي .. وقناعتي الشخصية .. وبيئتي ومجتمعي ..
انتي حطيتي مشكلتك في منتدى فيه تعدد اراء فتوقعي اختلافها ..
ربي يوفقك ويسعد ياقمر .. : )

صدقيني لو صارشي ثاني انة راح يماطل ومايسوي الفرح بسرعة ودائما العيب يبقى في وجة البنت واماالرجال يطلع منها زي الشعره من العجين وراح الناس يقولون الغلط منها هي الي اعطتة فرصة يسوى كذا اما لورفضتي راح يضطر يعجل يسوي الفرح بسرعة والله يهتيك

بلم اند بير بيئتك جدا متشددة وتفكير مستقبلي غير أكيد، يمكن هذا الشي في وجهة نظرك لكن الاعرلب يعرف ايش يصير فوقت الملكة وماله حق الخطيب الجي يسأل ايش كنتو تسوو لان الخطيب الاولي يوم من الايام كان حلالها ويحق له ،.

بالعكس حلو الوحدة تتجهز لخطيبها ويقعدون لهالهم ، يتكلمو عن مستقبلهم وشوية رومانسية مافيها اي مشكلة

صاحبة الموضوع عادي توقعي من الافعال الغير متوقع دامه حلالك بس مثل ما نبهوك خليكم بعيد من شعل ليلة العرس 

خله يحضنك ويبوسك ويثيرك و يلمسك واللي يبي ،. وانتي انثى حلو يكون فيه شخص معجب فيك وانتي مع الايام رح تبادليه نفس الحركات ، ممكن فالبداية تستحي لان شيء جديد لكن فكري انك مش اول ولا اخر وحدة ولحد يغرك ولا يقص عليك

ولا تقري كثير فالمنتديات ولا تسألي .، عيشي باللي تقدري عليه 

شوفي اختي
كل وحدة ولها رااي قبل كل شي هذا زوجك حلاك,,
القبلات والاحضان واللمسات احلاشي بفترة الملكة بس تكون بشكل خفيف بدون تعمق ,,
بالاضافة لكلامكم عن حياتكم عن المستقبل عن هواياتكم عن طباعكم يعني تتعرفوا على بعض اكثر ,,
يعني خلي تركيزه في التعرف على بعض اكثر من هالاشياء ,,
اواهم شي ما توصلوا لاشياء حساسة لانك باقي ببيت اهلك ومايصير اكثرمن كذا الا ببيت زوجك ,,
ومن ناحية زوجك لاتفهمينه انك متضايقة ,,فهميه من ناحية انك لسة تستحي وتخجلي منه لسة ماتعودتي عليه
وخليكي وسط معاه ببكل امورك,,

وانبسطي وخذي الامور ببساطة لان فترة الملكة حلوة استمتعي فيها معه بحدود,,
الله يسعدك,,