القبوط الكويتي بطريقه خالتي !! اهداء لاختي العزيزه صالوح حبيبي ..ولكل الحاضرين

السلام عليكم ورحمه الله وبركاته

اشلونكم يا احلى بنات ..واشلونك يا اختي الغاليه (( صالوح حبيبي )) ان شاء الله

طريقه القبوط تعجبك بس لا تنسين الدعاء لها بالشفاء من مرضها وتسلمين لي

يا رب ....

وان شاء الله تعجب الكل و الف عافيه على قلوبكم ....

وترى هي طريقه خالتي بس شغل ايدي !!!






المقادير بسيطه وسهله وموجوده بكل بيت

مقادير القبوط :-

طحين أسمر ( بدون مقدار ليش ؟؟ بصراحه خالتي ما تعترف بالمقادير !!)

بصل مفروم + كشمش ( زبيب )


الطريقه :
1 -تحطين مقدار طحين بالوعاء تقدرينه حسب كميه المرق ..

وتصبين فوقه ماء فاتر شوي شوي حتى يصير متماسك وتعجين باليد حتى تصير

عندك مثل عجينه الفطائر و طبعا اذا كان العجينه لينه زيديها طحين ..

2 - تفرمين البصل فرم خشن وتغسلين الكشمش جيدا ثم تنقعينه بالماي نص ساعه

وبعدين تصفينه وتخلينه بالمشخال ( يعني المنخل او المصفاه ) حتى ينشف ..

وبعدين اخلطي البصل مع الكشمش (((فقط بدون اي اضافه ))) لان المرق فيه

ملح وبهارات وكل شي ..



3 - تبلين راحه ايدك بشويه زيت وتاخذين قطعه صغيره من العجينه تفردينها

دائره صغيره ( كلما كانت صغيره ورقيقه افضل وتستوي بسرعه والاهم شكلها احلى

وتحطين شويه من الحشو وتقفلينها نص دائره وبعدين ممكن تشيلين منها العجين

الزايد وبعدين تصكينها عدل مثل الكبه ..

((( حطيتها بالصحن بس علشان الصوره بس شغلك كله باليد )))

4 - رشي الصحن بالطحين وصفي كرات القبوط بالصحن ..











بعد ما جهزت القبوط ممكن تخلينه بالفريز وتستعملينه اي وقت

تحضرين مرق اللحم حسب طريقتك بس بدون خضار مثل البطاط - الجزر- الكوسه

ويفضل تحطين فلفل اخضر حار وتزيدين كميه البهارات والفلفل الاسود ..

وقبل ما يستوي اللحم بنص ساعه تبدين تحطين القبوط مع رشه فلفل اسود





بعد ما يغلي المرق تخلينه على نار هادئه حتى ينضج ..


وتقدمينه بالف عافيه ..