لكل من يقرأ موضوووعي
اليوم جايبة لكم قدر ومو أي قدر❤️❤️ أنا راااح أسميه القدر المعجزة 😭❤️وأنتم احكموا اذا يستاهل هالتسميه أو لا
أولا هذا القدر من قدييم موووجود يعني مو شيء جديد بالسوق بس أنا ما استخدمته إلا من فترة قليله لأن غالب الناس وأنا منهم كنا نظن أنه فقط يصلح للموظفات واللي مو موظفات مايحتاج لأن عندهم وقت ⌚️ بس اللي اكتشفته 😍ان هالشيء مهم زيه زي غسالة الصحون وغسالة الثياب الأوتوماتيك
بسم الله بداية راح أوريكم صورته
وهذي الصورة
طبعا تشوفون القدر والمشخاله والمغرفة والمكيال هذي محتوياته طبعا يجي أشكال وألوان بس تقريبا هذي مواصفاته
هذا القدر اذا كنتي من اللي يطبخ الرز بشكل مستمر راااح تستفيدين منه بشكل ماتتصورينه
وبعلمكم طريقتي اللي خلتني أطلق عليه بالقدر المعجزة
الآن بشرح لكم طريقتي الرهيبه اللي راااح تخليكم ماتستصعبون تصليح الرز 👌خاصة وقت الغدا وخاصة ايام الدوامات
راح تحتاجين دجاجة مقطوعة نصفين ومبهرة ومتبله
طبعا أنا استخدم نصف دجاجة🐔
تجيبين القدر تحطين مقدار الرز اللي يناسبكم أنا مثلا كوب رز أحطه بعد ما أغسله واحط عليه الملح والبهارات العدله وتضيفين عليه كوبين ماء يعني الماء يكون ضعف الرز
وتجيبين المشخاله وتحطينه بمكانه وتصفين الدجاج وتسكرين القدر ... تشغلينه على خاصية الطبخ ... وكللللوليش وبكذا تكونين خلصتي
امانه فيه شي اسهل من كذا ... ودك تكملين نومك براحتك ... ودك تطقطقين بالنت كمان براااحتك ..... القدر من نفسه اول مايخلص طبخ راح يقلب على وضعية التسخين ولو يجلس اربع ساعات عاااادي مافيش مشكله راح تلقينه زي مااااهو😍 ..... هذي فكررته باختصار
يطبخ واذا نشفت المويه رااااح يقلب تسخين👍🏽 يعني وداع لحرق الغداء والقدور السوداء .....
طبعا اذا ودك لحم الفرق لازم تطبخين اللحم قبل بقدر عادي وتكملينه بالقدر هذا ...
وعادي تطبخين فيه مكرونه ... خضااار ... اي شي ...
بس قلت أعطيكم نبذه عنه .....
انا متزوجة و امي ماشاءالله تبارك الله يوميا تطبخ رز للغداء وودي شي يريحه