القدر صار أسود ... وأبي حل<~ موضوع قديم

أهلين بالسنعات ...((وترى رفلات إذا ماساعدوتني))

السالفة بأختصار شديد ... نقعت البيالات والفناجيل في قدر كبير (لأن ماعندي بلاستيك يكفيهم مرة وحده) وحطيت فيه ماء مغلي مع ملح مع كلوركس ......

وكانت النتيجة :(
القدر صار أسود مررة من جميع الجهات الداخلية مع أني ما ولعت عليه النار((مثل لما تحطين بيض مسلوق في القدر ويسبب تغير في لون القدر بس هالمرة صار أسود يعني أسود) ...
حاولت أفركه بالليفة تحول إلى رمادي غامق وفيه أثار الليفة كأنه (ممشخ) ..بعدين حطيته على النار حتى غلى ثم حطيت فوقه بيكربونات الصوديوم بس ما تغير إلا راحت المخوش ( الخطوط اللي تسببت فيها الليف )يعني توحد لون الرمادي الغامق .. غسلته وحطيت فيه مويه مع معجون طماطم وغليته على النار قلت يمكن يروح من أثار الطبخ فيه ... ولا تغير شيء أبداً .. والحين هو منقوع في ماء وخل من أكثر من ساعتين بس حتى الحين ماشفت فرق ...


الله يوفقكم أبي حل سريع لأن حامت كبدي منه ودي أرميه بس حرام هو أكبر قدر عندي ودائم أحتاجه في المناسبات والعزومات ...:44: