حبيت افيدكم بموضوع ماكنت ادري عنه ولا كان في بالي وانبهكم لو لاقدر الله بعيد الشر عنكم حصل لكم او لقريب لكم تتصرفون التصرف الصحيح..
انا عندي ولدي الله يحفظه لمى كنت حامل فيه ماحد نبهني لأقدامه على اني كنت اعمل السونار بشكل دوري بعيادة الحبيب وللأسف لمى ولدت قالو لي الخبر بشكل سيء
قالت لي الدكتوره بعد ثاني يوم وانا عمليه وداايخه((انتي شفتي رجول ابنك))
انا وقتها طاح قلبي قلت اكيد ماله رجول اعوذ بالله وكان ابوه واقف وصار وجه اسود ولمى شفت اقدامه انصدمت ماعمري شفت ذي الحاله كانت رجوله كيذا
وبعدها صاروا الناس كلن يدلي بدلوه الي تقول امرخيه بزيت زيتون والي تقول لا تسوين شي ترى يلعبون عليك و و ...
بس الحمدالله اخذت موعد وانا باول الاربعين عند د. سعد المحرج وامي وام زوجي الله يعافيهم ماقصرو صارو يودونه بالفتره هذي وجبسو له رجوله
وما اخفي عنكم تبهذلت اول طفل ولا عرفت اتصرف معاه..الين صار عمره 7 شهور وفكو الجبس طبعا الجبس كل شهرين او 3 يتغير وبعدها قكوها له شهرين وتحررت اقدامه وصرت اسبحه كل يوم من الفرحه:D
بعدها قرر الدكتور يعمل له العمليه في المشاري عملية اطالة الوتر وهذا اليوم الي كنت شايله همه من وخايفه من البنج احسه صغييير على العمليه والبنج..
وسوو له العمليه ومرت ذيك الايام الصعبه وجلست 4 ايام في مستشفى لمشاري وقلبي يتقطع ..
بعدها بفتره صار يلبس حذا مقوم فصلناه له والحمدالله بس وحده من الاقدام ماهي ماخذه وضعها الطبيعي مايقدر يحنيها
وقرر له الدكتور العمليه الثانيه في قدمه اليسرى وسووها له في الحبيب بس الحمدالله كانت اخف وخلاص تعودت ع الوضع:06:
والحمدالله وضع سعود طبيعي بس اتمنى تدعولي اشوفه يمشي ومافيه الا العااافيه وأتمنى اكون افدتكم والله يبعد عنكم الشر:27:
الوافي للحاله ..
أسأل الله أن يشفي ابنك شفاء لايغادر سقما
ويفرج همك ويطمن قلبك عليه
وان شاء الله يجي اليوم اللي تشوفينه يركض قدامك مافيه الا العافيه
أختك :
مــــــــــــــــلاكـ