كيفكم اخواتي ...
باختصار انا كنت محتارة فين اولد يا مستشفى فقيه او المركز الطبي في جدة ,, دخلت التاسع وزرت الاثنين عجبني المركز الطبي بس كانت المفاجأة انه لما رحتلهم ابغى موعد عند الدكتورة سلمى بغدادي على اساس اراجع عندها الى موعد الولادة ..قالولي انه فيه قرار جديد انه لما الحامل توصل نص الثامن ماعاد يستقبلوها في المتابعة ولا حتى في الولادة :confused:
طلعت من عندهم بس فكرت انه لو رحت للدكتورة وحاولت فيها ممكن توافق ,, هل فيه احد منكم جرب زي كذا ووفقت الدكتورة تستقبلها والا بلاش اضيع وقتي ..
طبعا انا اخترت سلمى عشان قالنا لو انتي متابعة عندها تجيك وقت الولادة من غير زيادة ..انا كاش مو تامين
سما ناظر تاخذ من 6000 الى 8000 غير ال 9500 حقت الولادة :32:
نورس00 @nors00
محررة ماسية
يلزم عليك تسجيل الدخول أولًا لكتابة تعليق.
purple flower1
•
.الله يسهل ولادتك ...
حبيبتي الله يسهلك يارب .... أنا براجع في المركز الطبي الدولي من بداية الحمل عند الدكتورة / منال خرباش ... بس مافهمت إيش قصدك ماعاد يستقبلونها ... أنا دحين في الرابع وعندي مراجعة بعد أسبوعين بكون في الخامس إن شاء الله .... بس تصدقي لسى مافكرت أسأل عن نظام الولادة والاستدعاء ... بس أخت زوجي قالت إنها دفعت فلوس ما أدري ١٥٠٠ أو ٢٠٠٠ عشان لمى تجي تولد على طول تجي دكتورتها يعني لو ماكانت مداومة يعني دي الفلوس حق الاستدعاء لدكتورتك اللي كنتي تتابعي معاها وإذا مادفعتيها ممكن تولدك أي وحدة موجودة في المناوبة إنتي وحظك ... أنا إن شاء الله بس أصير في الثامن ببدأ أسأل كيف نظامهم ...
نورس انتي تقصدي اللي تجيهم في نص الثامن وتبدا تراجع عندهم مو اللي من بدايه الاشهر معاهم- ومن ناحيه الفلوس كل الدكاتره ياخذو هذي الفلوس علشان الاستدعاء وقت الولاده بس طبعا تختلف من الاستشاريه والاخصائيه انا كنت اراجع عند سلمى بغدادي وطلبت 3000 فلوس الاستدعاء بس رفضت وقلت الموجوده وقتها تولدني لاني عمليه وكانت موجوده منال الخرباش مررررا عسل ولدتني..
طمنتيني روح الغلا من زمان ودي أحد يتكلم عن الدكتورة / منال خرباش أنا أراجع عندها صراحة عسوولة ومرة ارتحتلها وتحسيها كأنها صحبتك أختك مو دكتورة يعني مافي حواجز بينك وبينها حتى لمى تسويلي سونار نضحك مع بعض وتقعد تكلم البيبي يلا اتحرك عشان ماما تشوفك ... بس ما أعتقد إني بسوي استدعاء لأنها استشارية والسعر بيكون ضعف ... أنا قلت خليها على الله وقت الولادة كلها تساهيل من رب العباد وكل اللي في المستشفى على كفاءة عالية والمستشفى ماينخاف منه نظام ونظافة لأبعد الحدود ...
فجر الرحيل استخيري ياعسل اذا انتي تولدي طبيعي لانه منال خرباش مرا عسل كانت معاي قبل ماادخل العمليه وطمنتني وشجعتني وتمسح ع كتفي بس ياعسل انا اقولك عن تجربه علشاني مااستدعيت دكتورتي لما ولدت طول ايامي في المستشفى ماجات لي دكتوره لا سلمى ولا منال علشان يطمنوا ع جرح العمليه غير السسترات لانه ولدت عند دكتوره طوارى يعني سلمى بتقول مو انا ولدتها ومنال بتقول انا بس كنت في الطوارى وولدتها مو مريضتي تراجع عندي .. ووقتها كلمنا السسترات ينادون لنا دكتوره بس جاتنا الدكتوره اللي وقتها في الطواري
الصفحة الأخيرة