القرصان بصلصة البيتزاء( الكشنه)

السلام عليكم كيف حالكم


حبيت هالمره انزل طبخه عندي مفضله جدا جدا وخاصة للشيبان والعجايز

معليش ما اعرف انزل صور من جوالي للجهاز بس ان شاء الله شرحي يكفي وويوفي



المقادير


قرصان جاهز او انتي مسويته اللي هو المراهيف طبعا بالبر الاسمر كلكم تعرفونه


وصلصة بيتزاء كافيه يعني تخيلي نفس كمية المرق اللي فيه الخضار لما تيجي تسوي القرصان العادي


الطريقه



مايبيلها القرصان جاهز او انتي مسويته النتيجه وحده


صلصة البيتزاء انا بالنسبة لي


3 حبات بصل كبار قطعي البصل تقطيع صغير

زيت 3 علب طماطم مقشر

3 حبات طماطم كبار طازجه


2 حبه فلفل اخضر بارد مقطع مربعات صغيره


طبعا نقلي البصل لحد مايتحمر ثم اظيفي علب الطماط وقلبيها حتى تذوب الطماطم ثم اظيفي الطماط الطازج

وقلبي حتى يتسبك جيدا ثم اظيفي الماء حتى تصبح صلصة البتزاء المعروفه ولكن تكون لشكل المرقه اكثر من صلصة البيتزا بس لاتكثري الماء فالماء حسب البصل والطماط انا اكتفي بالنظر لصلصة واعرف اذا تحتاج ماء اولا اهم شي ماتصير ثقيله لاتصير بين الثقل والخفه ياعيني على الوصف واذا غلت اضيفي لها الفلفل الاخضر واظيفي بهاراتك وكمونك


وخليه ربع ساعه على النار اهم شي يتسبك وممكن تضيفي ماجي راجع لرغبتك



نجيب حافظة وسط او حسب الكميه اللي عندك وحطي في قاع الحافظة ملعقة غرف من الصلصة وانصفي القرصان لنصفين او ربع ربع او افرشيه على الصلصة ورشي رشه حلوه من الصلصة ثم ظعي قرص اخر بامكانك تقصصيه او تخليه على نفس شكلك راجع لك ثم اضيفي صلصه وهكذا لحد ما يخلص مقدار القرصان اللي عندك وسكري عليه الحافظة مايحتاج لافرن ولانار خفيف ويواجه


ملاحظة مهمه



ممكن عندك وحده والده ترسلي هذا فطور لها او غداء او حتى عشاء

او اذا جاكم رجال كبار شيبان يصير من ظمن العشاء او عندكم طلعه باستراحه تاخذي معك وتغرفي بصحون بسهوله يتقطع معك

انا زوجي معتمده في اي عزومه لازم يصير على السفره وصرت معروفه فيه


اذا عجبكم ادعولي رب يحنن قلب زوجي علي ويصخر لي اعيالي ويسهل امرهم


انا بانتظار ردودكم