القرعة الامريكية

السلام عليكم... أنا مغتربه جديدة بأمريكا ..
زوجى حاول كتير فى القرعة وكتير من اللى أعرفهم جربوا لكن هى حظ بنسبة مليوووووووون فى الميه.. المهم أعتقد إن كندا أسرع يعنى بصى مثلا إحنا قدمنا لكندا من ديسمبر2003 ولسه عاملين الكشف الطبى الشهر الماضى ومش عارفة هنروح واللا لأ لكن بيقولو الجنسيه هناك سهله يعنى كلها 3 سنين وتاخدى الجنسية لكن أمريكا حبالها طويلة شوية يعنى لو سافرتى هناك بفيزا وقدمتوا على الجرين كارد وبعدين الجنسية قدامك مش أقل من 9 سنين 5 للجنسية وحوالى 4 للجرين كارد... أنا لسه مجربتش لكن الكلام ده من بق الناس هنا....
ونصيحتى لك ... متسيبيش أهلك ووطنك وتروحى البلاد دى إلا لو الظروف صعبة ومش قادرين تستحملوا أو لو كنتم مستضعفين تطبيقا لقول الله تعالى " ألم تكن أرض الله واسعة ...." لكن الغربة صعبة صعبة صعبة خصوصا فى البلاد غير الإسلامية العربية وربنا يعينا كلنا...
وأتمنى أكون أفدتك وتكون نصيحتى لوجه الله تعالى

جزاك الله خير على النصيحة الغالية، وفعلاً أنا قدمت لكندا، لكن الخوف الا تكتمل النقاط المطلوبة لكندا حسب النظام الجديد.
لكن لو فرض وصار المستحيل وتم اختياري بالقرعة هل فعلاً سأحتاج 4 سنوات لكي أحصل على الجرين كارد، وإذا كان كذلك فما هو اسم التأشيرة التي سآخذها قبل الجرين كارد.

وهل أستطيع قبل الحصول على الجرين كارد أو بعده أن تستقبلني كندا ام ستقول لا حيث أنك الآن أنت في امريكا وامريكا أولى أن تبقي فيها.

مع تحياتي

اختي اذا تم اختيارك بتاخذي الغرين كارد على طول والجنسيه بعد 3 سنوات

السلام عليكم
كما قالت لك الأخت منى لو تم إختيارك فى قرعة الجرين كارد لأمريكا بتأخدى الجرين كارد على طول والجنسية بتكون بعد 5 سنوات لكن أنا كنت بأكلمك عن إنك لو أخدتى فيزا عمل مثلا وجيتى أمريكا وبعدين مشيتى فى إجراءات الجرين كارد ثم الجنسية تاخديلك حوالى 9 سنوات
فى كندا لما يوافقوا عليكى بيبعتولك تصريح بعد ما تخلصى الكشف الطبى والفيش والذى منه وهناك أول ما توصلى بتاخدى الفيزا الدائمة لكندا فى المطار permanent visa
وبعد 3 سنوات فى كندا تاخدى الجنسية
بالنسبة للتعارض إحنا سألنا المحامى هنا وقال مفيش مشاكل دى حاجة ودى حاجة علشان كده إحنا ماشيين فى السكتين

انا لدي الجنسية الامريكية فعلا وكسبت اللوتري وسافرت والمعلومات الصحيحه هي كالتالي انك بتقدمي لللوتري كل عام في موعد محدد وهو الان موعده في اكتوبر ونوفمبر واعتقد نهايته حتي 3 ديسمبر 2007 وللعلم لاتنخدعوا وتروحوا تقدموا عن طريق المكاتب اللي تاخد عمولات او مصاريف مثل 40 دولار او اكثر فالتقديم اسهل مما تتصورا وهو عن طريق الانترنت وكل بالويب سايت الخاص بالحكومة الامريكية يعني مش مكاتب وكل اللي سوف تحتاجيه فقط صوره شخصية بالمواصفات المطلوبة وتنزل على سي دي وبعدين تنزيلها على الكمبيوتر اللي سوف تكملي عليه الطلب وليس لديهم شروط صعبه فقط اكمال المرحله الثانوية او مايعادلها او سنوات خبره في العمل ويمكنك قراءة كل مايهم الموضوع عن طريق الويب سايت بتاعهم وهو www.uscis.gov وبعدين تبحثي عن تحت كلمة lottery 2009 سوف يتم فتح اكثر من اختيار اعتقد تختاري الاول وتشوفي كل المعلومات المطلوبة وكيفية التقدم وكلها معلومات بسيطة ولاتأخد اكثر من 15 دقيقة لتكملة الطلب وكل طلب يقدم تقدري يكون معك مرافقين يعني طلبك باسمك ومرفق لك زوجك واولادك اللي اعمارهم لاتزيد عن 18 سنه على مااعتقد وبعدين تقدمي طلب منفصل تماما باسم زوجك وانت مرافقه له وكدلك الاولاد وكده يكون فرصتك مرتين مره بطلبك ومره بطلب زوجك .
حقيقي معلومات اكثر من كده وبمجرد فوزك بالقرعه يرسلوا لك بريد وتكملي اجراءات الاوراق ومراجعة السفاره واجتياز المقابله السهله جدا طالما اوراقك كامله وللعلم هم يختاروا 100000 وليس خمسين الف ولكن يتم اختيار او تصفية 100000 الي 55000 فقط كل عام وفي دول او جنسيات معينه ممنوع من التقديم كل عام بتختلف وكل المعلومات لازم تقرأ من الويب سايت اللي كتبته.
باقي الاجراءات سهله وسوف يتم تسليمك اظرف من السفاره لازم يتم السفر خلالها الى امريكا في خلال 6 شهور وفي مصاريف تدفع عن كل فرد في السفاره عن المقابله واهم شيء في المقابله ان تكون صحيفة السوابق لكل الفائزين نظيفه والكشف الطبي ايضا جيد وليس به مشاكل كبيره .
بمجرد دخولك لامريكا وختم المطار في اول مره فهو يعتبر جرين كارد لك حتي وصول الجرين كارد لك بالبريد وفورا تقدري تعيشي وتشتغلي وتتملكي ولازم تكملي بعدها 4 سنوات و 9 شهور وبعدها تقدري تتقدمي للحصول على الجنسية وتختلف المده حتي تحديد موعد الاختبار للجنسية من ولاية الى اخري وبعدها اجراءات سهله للحصول على جواز السفر الامريكي بعد دلك وكل من مكتب البريد هناك ويوصلك الجواز بالبريد .
يعني 5 سنوات فقط مطلوبة للتقدم لاختبار الجنسية والحصول عليها وليس اكثر بشروط معينه وهي انك لم تقطعي فتره اقامتك في امريكا لاكثر من 6 شهور ولازم اقامة فعليه في امريكا لنصف مده الخمس سنوات وشروط ثانية مهمة زي التزامك بدفع التاكس كل سنه وغير دلك .
كثير معلومات واسئله ممكن تتسأل ولكن ده المختصر الان والله يوفق