القرقيعان!!

حبيبتي أفكار القرقيعان ما تنتهي في جاهز وفي بالجمعيات بالنسبة للمحلات أنا ما أعرف إنتي

في أي بلد بس بالنسبة لي أنا بالكويت وراح أذكر لك عدة أماكن وما أعرف إذا موجوده عندكم

طبعا أول شيء الجمعيات أغلبها متوفر بها بالذات برمضان
في بمنطقة حولي مجمع به سوق المعلم وسوف تجدين تشكيلة ما لها حصر من علب فارغة
وشرائط مطبوع عليها كلمات تخص القرقيعان وعلب جاهزة أيضا وهذا ينطبق على العديد
من المحلات والمجمعات
أيضا متوفر عند حلويات الصيداوي تشكيلة وإنتي تختاري الخلطات المطلوبة وأشكال العلب
وممكن أن تقومي بعمل علب خاصة بك عند أي مطبعة
وطبعا لاتنسين أن الروائع تظهر بشهر رمضان المبارك أعاده الله علينا باليمن والبركات


هذه أفكاري يا رب تكوني وجدتي الحل:26:

وايه هو القرقيعان؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لينا مفيد
مشكورة حبيبتي على المعلومات ........... بس الكويت شوي بعيدة :09: و لو اني من زمان ودي أزور الكويت انا من السعودية من الشرقية :)
مشكورة مرة ثانية:26:

ام نورهان ومحمد
شكلك من مصر يالغالية ( ام الدنيا ) :42: ............. عزيزتي القرقيعان هو ممكن نقول عليه ( مهرجان ) و هو من عادات أهل الخليج القديمة و كانوا يحتفلون فيه كل رمضان يعني يوم من أيام رمضان كل سنة يحتفلون بالقرقيعان وقديما كانوا يخلون الأطفال يدورون على البيوت ويدقون على بيبان الناس الي بالحارة وينشدون أناشيد معينة خاصة بالقرقيعان و بعدين الناس يعطون الأطفال مكسرات وحلويات
بس ألحين تطور شوي وصارو الناس يوزعون علب أو أكياس فيها مكسرات وحب وحلويات

ايه المطلوب دي الوأتي ؟؟ انا عايزاك بأة تشدي حيلك وتديني شوية أفكار حلوة لعلب القرقيعان ؟؟ :22:

و مشكورة يالغالية على اهتمامك :26:

حبيبتي تقدرين تستخدمين اكياس الخيسة--الدانتيل--التور--الكريشة--الكرتون(الورق المقوى)
اوتقدرين تخلطين خامتين بلونين مختلفين عن بعض وتربطينهم بشريطه تناسب اللونين

وبالنسبة للصور..........

1--


2--


3--

سلام عليكم يا اختي سديم
والله ذكرتيني بالوالده الله يخليها لنا و يشفيها يارب. و ذكرتيني بالكويت و رمضان :06:
المهم , نرجع للقرقيعان, الله يسلمج يا سديم اي شي عندج ممكن تحطين فيه الحلويات و المكسرات اللي تبينها ممكن يصير للقرقيعان . بس اهم شي الديكورات الخارجيه, الشرايط و الخيوط و صورة العيال الله يخليهم يارب. و بطاقه حلوه.
شوفي, الديرة لج انتي مكتوب المملكة, ما اعرف شنو عندكم. لكن بالنسبة للكويت فيه محل كبير ماخذ سرداب كامل اسمه بياع الورد. بحولي مقابل مستشفى دار الشفا بجانب مجمع بيروت. هناك تحصلون كل شي يخص القرقيعان و الهدايا مالت التخرج و علب الكاوكاو للمواليد و كل شي تتخيلونه ممكن تحصلونه هناك. حتى التور موجود و المسدسات مالت السيليكون للشغل.
و فيه محلات بعد بالشويخ ما ادل مكانهم عدل لكن هناك يبيعون الحلويات مالت القرقيعان و كل شي بسعر الجمله. و بعد تحصلين شغلات حلوه تعبين فيها مثل البرمه. او شغلات قديمه تراثيه. و كل اللي عليج انج تزينينهم بالشرايط و غيره. انتي و ذوقج عاد.
القرقيعان اللي طاف امي يخليها لي ياربي توصت بالقرقيعان مال اعيالي و اعيال اخواني. و كل واحد يشتري اللي يبيه. شريت حق اعيالي برمه من شويخ و زينتهم بشريطه مكتوب عليها قرقيعان و قيرقيعان. و فوق الشريطه لصقت شي حديد مكتوب عليه عساكم من عواده.
شي ثاني شريته بعد مثل المزهريه, هم زينته بالشرايط اللي مكتوب عليها و قطعة الحديد و بطاقه صغيره داخلها ممكن تكتبين: قرقيعان سويته و لأحبابي اهديته.
و اخليج مع الصور تراويج الشغل, و ان شاءالله تعجبج الأفكار.