(القرمز)وتجربتي معه

هناك شيء يباع عند العطارين اسمه (قرمز)

قالت لي اختي انه يخلي لون الشعر عنابي يجنن ولا فوشي ولا موف على حسب لون الشعر.حنا شرينا القرمز
والخلطه الي عطتنا اياها صديقة اختي هي مايلي:
قرمز مدقوق+زبادي نغليهم على النار شوي بعدين نحطهم 6ساعات على الاقل بالشعر.
المهم اتفقنا نسويها بما انها طبيعيه ونجربها
اثناء التحضير في المطبخ صار الطبخ كله فوشي من هالقرمز الله لايبلانا
المهم انا كنت اول ضحيه (انا كنت نايمه عند اهلي يعني ماني في بيتي...تخيلو)ورحت وحطيت سفره بلاستك على ملابسي ورحت عند المغسله وبدأت اضع هذه الخلطه.
الله لايوريكم المغسله تحولت ايضا الى اللون الفوشي من هالرمز وانا احطه صار ينقط وكان راسي ينزف وسال على وجهي وحواجبي وعى يديني.
المشكله انه مايروح تخيلوا صرت كاني هالي في الحروب ياعمري الي كلهم دم
.والله يابنات مايسوى علي هالتغيير.انا مسويه كوكتيل في شعري بيج وعسلي وحطيت هالخلطه العجيبه وطلعت لون الخصل البيج فوشي فاقع والعسلي عنابي
اللون حلو بس الدمار الذي عم وجهي وكل جسمي افظع
لما جيت اغسل شعري الحمام كله وانتم بكرامه صار فوشي (البانيو )كله فوشي .
والله يابنات حتى مواطي رجليني وانتم بكرامه فوشي.
الله لايجزى العدو خير
المهم بعد ماازلت هالعقوبه من شعري وحاولت ازالتها منرجولي ويديني ووجهي بصعوبه وياليته راح كله لاكن ان تمصعت وانا افرك بالصابون
بعدها قعدت اغسل الحمام تخيلو ا ماراح مره من البانيو باقي لون الحمدلله ان البانيو وردي ولا كان امي ذبحتني.
حلفت على اختي الصغيره وهي شعرها طويل ان ماتحطه لانها بتدمر البيت عاد
(الي بتستعمل هالخلطه العقوبه ياتحطها وهي عند البحر يافي البر )عشان ماتدمر الدنيا.
امي خذت باقي الخلطه والزباله على طول.
انا صار لون شعري حلو وغريب يعني الخصل صاير الفوشي حقها غريب بس تخيلوا معي الموقف التعيس
على كل هاللون لصارخ الفوشي الي :06::o:09:يقول شوفوني انا غريب
يوم جاء زوجي من بكره ياخذني وشافني متوقعه المدح (وش هاللون الحلو الغريب)(وش هالزين)والله ولا شي .قاعده اطالعه كاني بلهاء وابتسم واقولهمافيني شي متغير قال الا بس مادري وشو :16:
المهم بعد كل هالتجربه المريره مع القرمز
اقولكم خصلو عند كوافير صاحيه فوشي ولا عنابي وبلاشي خلطات مدمره لنظافة المنازل
واسفه على الاطاله بس فيني حرررررررره من القرمز