القروض جوعتنا واهلكتنا تكفون مين جرب هالناس اللي يسددون قروض

السلام عليكم


يانسوان .. زوجي متورط في 7 قروض ... لدرجة شطب عليه البنك خلاص ماعاد يعطونه
قروض يسددها وقروض مؤجله طبعا قروض لابوه لانه شايب ماعنده شي شاري له سياره وقرض اسره ومدري ايش
وقروض لنا
والراتب ماباقي منه غير 3000 .. والايجار باقي له شهرين اظن طبعا بعد الاسلاف والقروض


لانقدر نقترض ولانقدر نتسلف
خلاص خلاص الوضع شين 😢
والله حتى ملابس العيد والزواجات كل مره نتسلفها والحين هذي السنه خلاص مانقدر نستلف
سيارتنا اختربت الشهر هذا وسحبت كل شي معانا ....قسم بالله جلسنا بالجوووع تسلفنا والحين الراتب برضوا قطعناه قبل يجي ولاعاد لنا وجه نتسلف نستحي من اقاربنا نبي نستر على حالنا 😢😢
لأن جلسوا يتكلموا ليش انتم كذا وشفيكم ومدري ايش ...قلت تووووبه مانتسلف
دورنا حيله منا منا ماكو زوجي دوامه خارج مدينتنا
ولايمديه اصلا يدور شغله ثانيه ..


بنات انا قاعده افضفض واشكي معلش
مين مثل حالنا وعنده حل ؟؟


انا ما اقدر اتوظف لاسباب قاهره




مين زينا .. اعطوني حلول الله يسعدكم






الحين صرنا نفكر في هذولا اللي يسددون القروض بس يقولون شغلهم شغل ربا


تكفون تكفون تكفوووون الله يسعدكم دنيا واخره
مين تعامل معاهم وهل فيه ناس يسددون لنا 7 قروض وشغلهم بدون ربا؟؟؟؟
علما بأن مجموع القروض 300000 😢😢😢 والسلف 10000 عشرة الاف
والايجار الحين قرب ولاحول ولاقوة الا بالله


تكفووووون ادعولنا قسم بالله ضاقت علينا


اعطونا حلوووووول
ترون ماكتبت الموضوع هنا الا بعدما حسيت نفسي مخنووووقه وصعب الواحد يشكي للاقارب بهالزمان يحسسونه انه مسكين ونظرتهم له نظرة شفقه ويمكن توصل لدرجة انهم يحتقرون 😢