القريه العالميه..منو زارها؟؟؟؟؟؟

انا سرت مرة وحده...
والصراحة ما خذت غير لوشنات للجسم من القرية الكويتية...

وبس... اتمنى باقي البنات يفيدونج..

هلا وغلا اختي ام العصفوره :27:

انا رحت مره وحده وبقولج شو شريت من عندهم..

من القريه البحرينيه :

خذيت المقشر الي البنات طايحين فيه هاالايام.. الي فيه فايتامين س.. فيه وايد بنات يبيعون منه في المنتدى.. انا شريته من هناك .. الصراحه رووووووووعه انصحج تاخذينه.. وانا بسير مره ثانيه عشان اخذ لي كم حبه..

وبعد شريت ملح الحليب الي بعد كل البنات يشترون منه.. خذيت الملح مع الصابونه مالته.. بعد روووووووووعه.. ريحه الصابون تهبببل.. لو تاخذينه صدقيني ما راح تندمين.. وسعره وااايد رخيص.. انا خذت الصابون مع الملح بعشرين درهم..


من القريه السنغفوريه: ( اظن كانت سنغفوره او هونج كونج)

عندهم شنط روووووعه.. كل شنطهم على الموضه.. الي شوي كبيره وكلها خرز .. وايد حلوات ومميزات..

من القريه الكويتيه:

الصراحه اشيائهم ناااااااااااااااار.. على شنو ما ادري؟؟؟ عندهم تنانير و قمصان الصراحه واايد حلوين.. بس ما يسوون السعر.. ما فيه اقل من 200 و 250!! و فيه تنوره قالي 350!!!! ليش برومود وانا ما دري؟؟؟ والمشكله كلها قطع هنديه.. يعني كم لبسه و بعدين تنتهي صلاحيته.. انا ربيعتي راحت الكويت نفس المحل الي فاتح في القريه العالميه.. والله قالت لي نفس التنوره ب 50 درهم!!! تخيلو فرق السعر.. افهم انه يضيف سعر الشحن بس مب 5 مرات سعر القطعه..

من القريه الهنديه:

لا تفوتج عزيزتي.. ترى عندهم ثياب روووووووعه.. انا خذيت من عندهم تنوره والله مثل الي عند برومود ب50 درهم بس.. و في اللبس وايد انيقه.. فيها تطريز خفيف..

وخذيت بعد من عندهم التوب الي يكون حبال من ورا و ما فيه ايد و فيه حبل تربطينه حول الرقبه ( عرفتيه؟؟ ) مطرز كاااااااااامل.. رائع والله.. اظن خذته ب90 درهم.. ينفع حق مناسبه ولما بنات تلبسين عليه بنطلون او تنوره.. و سعره بلاش..

من القريه الاردنيه:

فيه زيت زيتون رهييييييييب.. هو فلسطيني بس ينباع هناك.. وايد ممتاز..

انصحج ما تضيعين وقتج و تروحين القريه اليابانيه.. كلها الكترونيات ما لها داعي.. واذا تحبين العطور العربيه مري القريه السعوديه..

نصيييييييييحه.. جربي البوظه من القريه السوريه.. والله طعمها رهييييييييب.. انا اتريى القريه العالميه عشان البوظه.. ههههههههه

ان شالله اكون افدتج بمعلوماتي البسيطه.. وانا ان شالله بروح القريه مره ثانيه وان شالله نشوفج هناك..

مع حبي..

درب الوله :27:

الاخت درب الوله
كفت و وفت الغاليه

خواتي بتخبركن

جهاز بسكويت عين الجمل اليدوي

في أي قرية يبيعونه؟؟

لأني سمعت أنه موجود في القرية العالمية

بس بغيت أعرف في أي قرية وكم سعره؟؟


والسموووحة

سمعت أنه الآلة موجودة في القرية الكويتية وبسعر رخيص بس ما تنفع

أنا بغيت شرات الصورة الموجودة في الرابط



جهاز بسكوت عين الجمل



اللي في الصورة يقولون ييبون شراتها من المغرب أو روسيا

فمادري إذا أي وحدة فيكن عندها فكرة عن الموضوع يزاها الله كل خير