القسط الهندي لقيته

مها انا لقيته اذا انتي بالرياض تلقينه عند عطار البحرين بسوق حجاب بس ترا مكتوب عليه دهن القسط بس انا بعد ماجربته لما اجربه اقولك النتائج
اما حكايت كيف تعصرينه الله اعلم بس اذا عرفتي امانه علمينا يمكن نتلقف يوم ونشتريييه:27:
وسلاااااااااااااااااام

هههههههههههههههههه

جزاتس الله الف خير

ناويتن اعصره بس ابدور خلاطه مصنع ولا خلاطه سمنت

لا بس وش رايتس بطريقتي وانا اختس خل اشاورتس فيها

ابحطه في ماعون وابحط عليه كاس زيت زيتون اصلي وابخمر نصه همن ابصك عليه العلبه واخشه بمكان مظلم

يمكن يتخمر وينعصر :(

بس اذا فتحته اخاف تطلع لي بلاوي منه

بس مو مشكله على الاقل لقينا الجذور احسن من لاشيء ويمكن يطلع مفعولها اقوى ..

اختى اذا بغيتى تسوينه زيت بقولج شلون طريقته لانى مثلج
لقين الاعواد وما لقيت الزيت بس قالى العطار اذا تبين تسوينه
زيت كسريه واغليه فى ماى لين تحسين ان الماى تلون بلون الاعواد
يعنى حطى كاس ماى وحطى عليه كمية من القسط واغليه واغليه واغليه
لين تطلع روح القسط:09:
وبعدين خذى كمية من زيت السمسم اللى تبين هذا بعد ما تصفين الماى من القسط
وحطى الزين على الماى وخلى الخليط يغلى الى ان يتبخر الماى ويبقى الزيت بس
وبعدها تحصلين على زيت القسط وعلى فكرة اصلا زيت السمسم منعم ومفتح للبشرة
ويقولون انه يساعد على ازالة الخطوط البيضاء وهذا اللى عندى:27:

لا لا لا لا لا

لا تغلينه

عيوني هاتي القسط وكسريه الي على شكل جذع شجره يابسه

دقيه في الهاون قد ما تقدرين لين تصير عندج اشلاء خخخخخخخخخ حلوه هذي

وهاتي زيت الخروع تعرفينه +زيت السمسم+زيت لوز مر

هاتي1 فنجان زيت خروع و4 زيت سمسم و3 لوز مر وخلطيه زين وحطي القسط

وسوي حمام مائي له مل ماتسيحين الزبده هاتي قدر وحطي فيه ماء وخليه يفور وهتي الزيت مع القسط

وحطيه في وعاء وخليه فوق الماي لا يدخل الماي في الزيت وحركي حركي لين يتغير لون الزيت ويسخن

اتريه يبرد وحطيه في زجاجه الزيت والي فيه واستخدميه بعد 3 ايام الى اسبوع وانشالله تستفيدين

الخروع يفتح والسمسم يشل يصفي البشره ويشدها ويعطيها رونق خاص بس ما يبيض

الوز المر يبيض واول ما يتوحد لونج احذفي الوز المر وخليج على الخروع والسمسم بس عقب بدال 4 يصيرن 7

بدون الوز المر .

وانا ما اتفلسف عن تجربه كنا نسويه حق وحده بتعرس وروعه بس الزيوت تكون اصليه .

ولا تتعرضين للشمس بس فليل حطيه .

أنا لقيت زيت القسط جاهز عند العطار و هو في زجاجة صغيرة جداً بريالين عماني (20 ريال سعودي) ، جربته بس ما مداومة عليه ، تدرون كيف صار جلدي لما حطيته :04:

و لا نونو شيئ عجيب من النعومة و الله حسيت إن النعومة طبقة و إتغطت بها إيديني و رجولي