هلا اختي نور جده

لو تبين رايي انا افضل لا تحطين لا كزبره ولا شبت

اما عن البهارات فهي البهارات الخليجية المطحونة

و فيه خلطة بهارات حلوه مثبته في اول الصفحة..

وحياج الله

الكزبرة ترى الأوليين مايحطونها وحتى الوالدة الله يخليها نبهتني لهالشي.. لاكن ألحين بس يحطن شوي منها كنكهة وتطلع حلوة..

والبهارات احنا نحطي البزار وهو زيج من كل الأنواع.. ودارسين وهال بعد وملح.. وبس

مرحبا اختي المسافره..

لها السبب انا ما احد كزبره عشان احب القشيد يطلع مثل شغل الجدات ..

بالنسبه للهال عندي لج ملاحظه لو تسمحين..
الهال ما يحطونه في اطباق الاسماك ابدا.. هذه قاعده انا سمعتها من الجدات كلهم.. يقولون انه يزفر السمك.. إلا طبعا اذا كان في خلطة البهارات مب مشكله.. بس انه ينحط بروحه كبهار اضافي يخرب الطعم..

و تسلمون الشيخات

تسلمون عيوني ما قصرتوا

بجربوا وانشالله يضبط معي

مشكورة الغالية أم حمودي الحلو على التوضيح والله تدرين اني مب متأكدة اذا أمي قالته لي أو لا.. لأنها في نفس الوقت قالتلي بعد طريقة خبز ويمكن في هذا نحطي الهال.. وقمت ودمجت الهال في القشيد.. لأنه صح مثل ماقلتي الهال ماينحط في السمج لاكن مب مشكله ويا الدياي.. والبزار أصلا فيه هال.. عالعموم ألف شكر لج والله يعطيج العافية