القصة للحلوين

القصة
أنا يوم جاتني الدورة بتاريخ 13 رجب تحطمت لأنه كانت البويضة زينة 26 مقاسها
المهم الدكتورة عطتني منشط وأنا خذته
وطبعا مع هرمون الحليب وكنت مقررة أنه آخر شهر آخذ منشط
لأنه متعب
المهمقلت للدكتورة الشهر الجاي ما أبي منشط قالت طيب
وسوت لي تصوير وقالت البويضة مقاسها 21 فرحت شوي لأنها كملت كلامها وقالت اذا ما صار حمل بنعيد التحليل حق زوجك
قلت طيب المهم رحت استراحة وعلى طول طابة في المسبح
وسباحة ووناسه وتطبب ورجعت على طول للمستشفى للأبرة التفجيرية

وناسيه الموضوع
وكنت بعد قبل يومين رايحه نفس الشيء نخل ووناسه وتطبب
وعقب يومين رحت للمسبح بعد يعني أيام التبويض كنت أروح للمسابح ويلا سباحه
المهم أنا ناسيه موضوع الحمل قلت مادام الدكتورة شاكه في زوجي ليش أفكر في الحمل يمكن مايصير هذا الشهر
المهم أنا ما يأست بس نسيت الموضوع
وحث الجماع مرة واحدة فقط في أيام التبويض
وناسيه
وبعدين رحت أسبوع لأهلي وهديت زوجي
ويوم جاء يوم الأربعاء موعدالحلوة
نزل علي دم أسود
فقدت الأمل ودقيت على زوجي قلت له جيب لي غيار من البقالة الحلوة جات
ورجعت شقتي
ويوم الخميس وقف الدم
ويوم الجمعة سويت تحليل منزلي مو علشان أعرف حامل والا لا علشان آخذ راحتي في البيت في القومه والقعدة بدون ماأحاتي المهم

سويت التحليل وطلعت حامل
وأمس رحت المستشفى وتأكدت




وشكرا هذي هي القصة
كاملة