*البسمه* اهلا بيكي وانشاء الله تولدي بسلامه
مالي عيني الله يسهل عليكي الولادة

هلا بنات
أنا كنت موجوده معكم أدخل وأقرأ بس مأقدر أرد ولا أشارك لأن عضويتي تم إيقافها

أكيد بعضكم يدري ليش تم إيقافي

أنا الحمد لله بخير والبيبي بعد بخير راسه نازل تحت
ابغى أسأل متى المفروض ينزل الراس يعني عادي أنه نازل وأنا للحين مادخلت التاسع

مع أنه من أول الحمل وكانوا يقولوا الي البيبي راسه تحت وكانوا خايفين يجيني الطلق في الخامس

كأني طولت السالفه

السلام عليكم ورحمه وبركاته

مبروووووووووووووك عليكم الملف اليديد

ملف التاااااااااااااااااااسع

حبيت اسلم عليكم كان ودي اتابع معاكم لكن وقتي كله مشغوله بروحات المستشفى وتجهيز اغراض المدرسه
ولدي الحمدلله حالته مستقره وفي تحسن ووزنه وصل 1600 غرام ينتضرون يوصل 1800 وبعدين بيخففون عنه الاكسجين وبيتابعون تنفسه
زوجي قطع الدوره ورجع من الاردن لان ساات احوالنا وخاصه روحاتي بالليل للمستشفى لان اعيالي يظلون بروحهم بالبيت مع الخدامه والخدامه يديده ما تعرف شي واحيانا اتاخر بالمستشفى للساعه الواحده بالليل
وان شاء الله بحاول اطل عليكم بين فتره والثانيه
لاتنسوني من حسن الدعاااااااااااء

صباااااح خاص و حصري لشنكورة الامورة..

و الله لج وحشة يا الغالية .. فقدناااااج مرة وحدة

و الحمدلله على سلامة ولدج الغالي...بس وزنه وااااايد

ناااااااااااقص ... الله يكون بعونج ..و إن شاء الله يقوم بالسلامة

و بوسيه بالنيابة عني .. و قولي له خالتو كوكو مع ولدها

يسلمون عليه .

لموووووية.. شنو اخبارج اليوم ؟؟

اذا ما رديتي يعني انتي بعد بنقول لج مبرووووك

و الظاهر راس المعزة سوتها خلاص.. لان ما شفنا لها

رد من امس .

ام زهور و فطوم .. اهم شي رجعتي لنا مرة ثانية

و انا اتوقع عرفت من شنو توقفت العضوية ..

و لو تابعتيهم بتعجزين .. اتركيهم احسن و كل واحد

و ضميره .... انسي هالسوالف .

و المفروض راس البيبي ينزل في الشهر الثامن

بس المشي و كثرة السجود و الحبو يسهل نزول الراس .

البسمة .. يا هلا حبيبتي.. هالملف لكل ربعنا القدامى :26:

اللي دشوا التاسع و اللي بعدهم ..و انتوا ما باقي عليكم وايد

و تتبعونا في الشهر التاسع .

مالي عيني.. خخخخخخخ شكلنا انا و انتي بنصير جذي من

كثر الحنة على الولادة ... :hahaha:

بس صج بكمل هاليومين تجهيزات غرفة المستشفى و خلاص

بشتغل على روحي احسن . :30:

بنت كيوت .. انا عندي وايد كلام و اشعار.. بنقلها لكم بعدين .

الحي الريفي...هلااااااااا.. شلونج ؟؟

بخصوص الولادة وين بتروحين ؟؟

ابي افضفض اللي في قلبي ....

امس رحت عزومة بيت عمي... و تكشخت طبعا

و ميك اب و غيره ... بس ........................!!:(







كانوا كلهم رشيقات و حلوات .. و البياض انواع

و انا.... دبة ... نفخة .. السواد اشكال و الوان

بقع و كلف و نقط سوده و حمره و شكلي و الله العظيم

يسبب اشمئزاز ... استغفر الله :(

مع ان وجهي ما فيه شي ...

بس رقبتي ... اباطي صدري... رجلي .. كل شي فيني

لوعة ... و كنت مغطية روحي حتى محد يشوفني

عدا وجهي اللي يبين ... بس:09:

جيت فورا على قسم العناية بالبشرة.. بس لو شنو

اسوي ما فيه فايدة ... هالسواد ما يروح

عجززززززززززززززززت:30: