القصيدة التي .............

يا سبحان الله
قولة الحق باتت إعلان للطرد

ألم أقل لكم ممنوعين
وتقولون لماذا هذا النوع؟

قولة الحق باتت شهيدة
قتلوها
عقروها
ونسيوا أن الله هو الرزاق الرحيم
نسيوا أنه يوم لك ويوم عليك

كاتب هذه القصيدة شجاع
ورئيس التحرير صادق

أتمنى لهم الأجر في الدنيا والآخرة

إننا حقا لممنوعين

ألم أقلها مرة؟؟

تقبل الله منا صالح الأعمال

تقبلي تقديري واحترامي

وهذه قصيدة أخرى في نفس الاتجاه
يقول فيها صالح الشادي

يكذبون ..
وكم على وجه الثرى كذبه
وكم لعبه ..
وكم مليون ..
والعالم اللي تحاول ترسمه صهيون
ويلعب به الماسون
قلي يا حبيبي : وش تبي يكون ؟
جنه .. ؟ !
لا وربك ما يكون ! .
تخيل وش حصل في الارض
وتامل في لغات الفرض ..
لا صدق بقى فيها ..
ولا حق غدا مصيون .
وصل بوذا وكنفشيوس
وعادت سطوة الهندوس
وتحانت للجحيم نفوس
وروس طاحت لشارون
قال : ا شلون ؟
قلت : اقرا الجرايد وافتح التلفاز واسمع ..
قال : اخاف الشوف يخدع ..
قلت : اسمع ولو بدون عيون !
يكذبون ..
وكم على وجه الثرى كذبه ..
وكم لعبه
وكم ملعون
فلسطين انتخت خمسين عام ولا سمعها حي
وتبي خمسين عام تنتخي
ويمكن تزيد شوي ..
لو ما تشمر ساعد ؛ ولو ما نفزز قاعد ؛ ولو ما بدينا الكي ..
والكي موجع يا عرب .. لكن يسوي شي !!
فلسطين دين معلق بارقابنا ..
والحق حق . وما بنا جاحد ولا فينا ظلام وغي
امه على دين النبي ..
ما تختبي .. وهي الفضا والضي .
ومن ينكش التاريخ . يقرا المجد الابيض في مداها والرغد والفي .
من سهل هذي الجزيره
المثنى والمغيره ..
وعنتره العبسي .. وحاتم طي .
ومن اهلها .. راعي المجد العزيز
الملك عبد العزيز ..
وشعب حي حي .
واعدو لهم ما استطعتم ..
والله انا نستطيع ونستطيع ..
ولو توكلنا نبيد ..
ولو مدافعنا قصيد ولو فشقنا طي !!
ويمكرون
ويمكرون . ويمكر الله ..
وما لمكر الله زي .
ومو على الله يمكرون ..
يكذبون ..
وكم على وجه الثرى كذبه
وكم لعبه ..
وكم ملعون .
زوروا التاريخ عاثو بالمبادي والقيم ..
وقالو سلام ..!!
واستفحلوا مثل المرض طاعون باجساد الامم
وقالوا سلام .. !!
وتجمعوا للشر قطعان وطواويس وخمم
وقالوا سلام ..!!
ويوم استبدوا بكل شي ..
غاروا على دين السلام ؟ !

" يا محمد " يا رسول الله ..
واللي ارسلك رحمه . وبشرى للبشر ..
انّا فدا الاسلام.

" يا محمد " يا حبيب الله
حنا امس ودعنا الصبر
واليوم سنينا الحسام
والمنازل طاب
ولاسلام مع نصير الكذب الارعن . وساسة الارهاب
ولا سلام لمن تفرعن . او كشر بالناب
ولا سلام .. دامها صارت شريعة غاب ..
ويخسى النصاب
ويعقب فرعون ..
ويكذبون
وكم على وجه الثرى كذبه
وكم لعبه ..
وكم ملعون




أتمنى أن تفي بالغرض

تقبلي تقديري واحترامي

مشكووووووورة ياسنوكة حنين على الرد

ولو عيوني

نحن في الخدمة

إنت بس تامرين

سلامي