أخواتي الأمهات تحيه عطره أزفها اليكم
وكل شكري وامتناني لمشرفاتنا الفاضلات .....الموقع نشاطه لاينقطع وليس له مثييييل
وأبارك لكم حصوله على المرتبة الخامسة بين المواقع العربيه الاكثر زيارة في المملكة العربية السعوديه :icon28:
وامبارك علينا وعليكم قرب شهر رمضان
وبعد.. كل عام وانتم بخير قبل الزحمه:icon28:
وبعد بمناسبه يوم اني فتحت المباركاات أبارك لبنت خالتي العرس
وأقول منه المال والعيال :icon28:
اقوول ماتسني طلعت من الموضوع خخخ
وشسمه
اييه
الموضوع مشاركتي بالمسابقه
تفضلوا حياكم الله وحيا الله من دخل موضوعي ومن طلع
ومن رد ومن ما رد
ومن قام ومن قعد >>>>>إخلصي ترى المشرفات بيكفخونك
والله هذا ياطويلات العمر والسلامه
ماعندي موضوع بس مع السلامه:)
خخخخخخخخخخخخخ
لا لاتروحون
والله عندي موضوع ويهبل بعد >>>شكلي بتسطر الحيين
أقول
بنتي الله يحفظها ويخليها لي
ماغير مكافخ مع بزران خلق الله
وما أروح لبيت الا وتأخذ حقها من كل الحاضرين والغايبين .....
وضرب ومكافخ
وترد الصاع صاعيين على قولة المثل
والله وجاء ببالي فكره وهي زي الحبس
أخلي بنتي عقاب لها خمس دقايق بكرسي معزوله عن الناس
وأنا أشوفها
عقاب لييه تضرب فلان والا علان
الى أن ملت وخمدت
وخلت هالطبع الشييين عشان ما تجلس بالكرسي وحييده
........................................
وكمان طريقتي لإبني الله يحفظه
كبر
وصار عمره سنتيين وهو يمص (اللهايه ـ الرضاعه عند البعض)
والله بلشت فيه بلشه ما من وراها بلشه
وخفت كمان يستمر عليها
ويقولون تسبب انحراف الأسنان الأماميه
ماخلييت طريقه ما جربتها ومانفع
وبالنهايه جربت طريقه قالتها لي قريبتي الله يجزاها خير ويفرج لها بالدنيا والآخره (قولوا آمييييين)
تقول لاتحرمينه منها فجأه تسبب له صدمه
أربطها في مكان قريبه منه
وأي وقت يبي يرضعها يروح للمكان وهي موجوده يرضعها
وحطيت له مفرش لأنه غالبا ينام عندها خخخخ
أنا بس أفكها علشان أغسلها
وبالنهايه حبيبي ابعد عنها شوي شوي وتركها
الحيين أحطها بيده ويرميها حبيب قلبي
أرجو اني أفدتكم
والحمد الله الي بطلتها وعموما البنات هذي مو حركاتهم
يعني فتره ويتركوها .. البنوتات ناعمات بطبعهن