القطايف القطايف

السلام عليكم
دى طريقه القطايف المصريه ياريت يكون ده طلبكوا
المقادير دقيق ومياه ورشه ملح ورشه سكر وخميره هقولكوا ازاى
قطعه خميره على حسب كميه الدقيق يعنى قطعه قد عقلتين اصبع لكوب دقيق
المهم الخميره تهرس مع ملعقه صغيره سكر ثم مياه دافيه حوالى كوب وتقلب ثم نضع القيق شويه شويه ونقلب بالمضرب ونضع ذره الملح وماننساش شويه سكر برضه ونقلب بالمضرب حتى تكون العجينه زى الطحينه يعنى فى سمك الطحينه لو تعرفوها
دى طريقه العجينه طبعا هنسيبها نصف ساعه تخمر ونجهز فوطه او اى قماشه نظيفه وطاسه تيفال
نضع الطاسه على النار حتى تسخن جيدا وباستخدام قمع نضع كميه من العجين على الطاسه على حسب الحجم الذى تحبيه وعند النضوج نضع القطايف على القماشه ونكون جهزنا الحشو حسب الرغبه ونحشيها بسرعه ولا نتركها حتى تبرد وتجف
ثم نقليها فى الزيت ونصفيها بعد قليها ونضعها فى الشراب
ويارب تعجبكوا
ولو فيه اى استفسار انا جاهزه