القعده معاهم تجيب المرض

السلام عليكم .. يا اخوات فيه بنات من جماعتنا اذا جلست معهم ما اسمع الا نقدي واظهار عيوبي وسلبياتي واخطائي وشغالين نقد وخصوصا وحده فيهم مريضه بس تنتقد وتكره كل الناس وماحد سالم من شرها وامس التقيت بها ونقدتني 5 مرات ورا بعض ليش كذا واقول لها عشان كذا واستلمتني نقد نقد نقد ياريتها تشوف عيوبها اللي تطفح ربي شاقيها بس بالناس تشوف الكل ناقص ماعدا هي وياريت نقدها بأدب وبأسلوب لطيف وناصح الا بكل عنف وحقد ونفيخ وسكت لها وبعدين اخر نقد نقدته قلت لها سبحان الله ماعندك الا النقد النقد النقد وذكر السلبيات والعيوب ووووو وخرجت من المكان وثارت وتسب وتشتم وتتهمني بما تعانيه هي اشفق عليها وتتوهم انه في احد سماع هواشنا تنقدك وماترضى تنقديها وترد عليك وماترضى تردين عليها وتدافع عن نفسها وانت ممنوع تدافعين عن نفسك اسلوبها كل شي حلال عليها وحرام على غيرها تبغاك تضحكين لها وتجلسين بكماء وهي لو عاملتيها بالمثل ماترضى طيب زي ماتحبي احد يعاملك بذا الاسلوب كذلك غيرك مايبغاك تعاملينه بذا الاسلوب وبعد كل ذل ماتعترف انها غلطانه وتشوفك انت المخطئه عليها وليش تقولين لها انت بس تنقدين تشوف اسلوبها صح ومفروض اكركر ضحك واسكت له ولا اعترض ولو العكس ماترضى .... الناس اغلبها صايره زي كذا بس ثايرين ومعصبين ويتلقفون في غيرهم ومايرضون حرف عليهم وانت يرضون عليك كل شي وحلال عليهم كل شي وحرام عليك ويعاملوك بتعامل مايرضون لو انت بتعامليهم زيه ومو من حقك تعارضين ولا تدافعين عن نفسك ولا تنقديه زي ماينقدوك ولا تزعلين وفوق كذا انت الغلطانه وهم الصح وهم يزعلون مو انت والحبه يخلونها قبه والكل مستعد للهجوم عالم نفسيات وسب وشتم وسوء ظن وشك واتهامات وحقد وحسد وغيره ودق بالكلام وتلميحات وتصريحات وتجريحات واستهزاء وسخريه وتهديد وصفاتهم السيئه يتهموك انت بها وما يعانونه من عقد نفسيه يتهموك بها وطول الخط كل ماقابلتيهم نقد نقد نقد ورا بعض سيل جارف ماتسمعين الكلمه اللي تشرح صدرك عيونهم كالذباب لاتقع الا على الجرح فالعيون السيئه ترى كل شي سيء مافيه ايجابيه وثناء على شي وكلام طيب ولباقه في الحديث وانما سلبيين وما عندهم الا النقد وذكر المساوىء والعيوب والاخطاء والنقائص ووووو ومايشوفوا غيرها وكلن مشغله كشافها وتتكلم من هذا الجانب نفوس شينه النفوس الطيبه تجدونها عكس ذلك تدخل السرور لقلبك مو تدخل الهم والنكد والحزن لقلبك وتكسر خاطرك وفوق كذا ياويلك تقولي لها انت ماعندك الا النقد وتسب وتشوف نفسها غلطتي عليها وهي الصح ومفروض تحبين على راسها تكمل للصبح تنتقد فيك وما تعترضين ومو انت اللي تزعلين هي اللي تزعل ومو انت الصح هي الصح وانت الغلط وهي صاحبه حق وانت الغلطانه عليها وتقلب اللي معاها عليك والناس صايره تقف مع الباطل هذي موضه جديده وما انت سالمه في كل احوالك ان قعدتي معهم او قعدتي خفافي او قاطعتي او تكلمتي او تكلمتي خفافي او سكتي في جميع احوالك ما تسلمين من شرهم ومهما تحسنين لهم وتعلميهم بحاجات زي الارض السبخه ماينفع المعروف معهم وزي البراكين احسهم مو طبيعيين الوحده تنتظر فرصه عشان تنفجر وبس يسمعون الكلام اللي يبغوه واذا كلمتيهم في موضوع مو عاجبهم يقاطعوك ويهاجموك ويسكروا عليه ويقولوا لك بصريح العباره فكينا ما ابغى اسمع لك ناس جايه من غابه طيب من الادب حسن الاستماع والانصات لاي موضوع ولاي شخص واي كلام مو اختار فقط اللي ابغى اسمعه وامنع الشخص من الاستماع له اذا قال كلام ماعجبني وكمان ما انحاز للي لي معاه مصلحه طول الخط وحتى لو كان مخطىء واجي طول الخط اطلع الطرف الثاني هو الغلطان ماتشوفين على وجوههم ابتسامه واشراقه وجه وروح شباب وادب ولباقه وحسن حديث والنت مليان دروس بكبسه زر اضغطي وتلقين دروس عن احترام الشخص والاستماع له وعدم مقاطعته والرد عليه باحترام وعدم توبيخه ونقده ولومه وذكر سلبياته وعيوبه واخطائه وووووو وتجريحه وعدم احترام مشاعره ثم الاعتقاد ان الشخص مفروض مايزعل ولو العكس مارضو ليش الناس اسلوبهم كذا ماحد له عذر كبسه زر في الكمبيوتر تعلمك كل شي تعلمك كيف تكوني تحطي نفسك مكان الشخص وتعكسين الموقف وتقولين لو العكس هي سوت في كذا ارضى لا ارضى طيب ليش ارضى على غيري مو ذي انانيه مئات الدروس في النت تعلم الشخص كيف يكون ايجابي وكلامه ايجابي وان الكلمه الطيبه صدقه وانه ادخل السرور على الناس واذا ماعندي كلمه طيبه اسكت واركز على ايجابيات الشخص وحسناته والاشياء الحلوه اللي فيه وووووو طيبه القلب والهدوء وخفض الصوت وعدم الصراخ وحاجات كثيرا جدا بتعلمها الشخص بكبسه زر على الكمبيوتر ماحد له عذر الوسائل متعدده في هذا الزمن واغلب البنات جامعيات وشوفوا كيف اشتكي لكم من اسلوبهم ياكثر ماجاتني مشاكل منهم مره تعبت منهم ما ادري وش الاسلوب الناجح في التعامل معهم ؟