Great Ambition :

بناااااات أنا رجعت :) تميت اسبوع على هالقهوة وجايبة لكم النتايج اولا : قولوا ماشاء الله ولاتنسوني من دعواتكم ثانيا : والله العظيم الذي لا اله الا هو اني ما راح اقولكم الا الي صار معي بصدق وبالتفصيل وأي سؤال أنا حاضرة نبدأ ................................ أول حاجة يا بنات انا ما اشتريتها من هنا انا طلبتها من امريكا من موقع امازون بالنت http://www.amazon.com/Green-Coffee-800/dp/B002UZXFNC/ref=sr_1_1?ie=UTF8&s=hpc&qid=1266047548&sr=8-1 وكلفتني علبتين 320 ريال ثاني حاجة انا استخدمتها لمدة اسبوع من السبت الي فات ولا قست وزني الا اليوم وطلع : 62,4 بعد ما كان 64 :) انا ما ادري اذا النتيجة كويسة بالنسبة لكم بس انا عن نفسي تحمست لأني بصراحة ما كنت ملتزمة باكل ريجيم او شي بالعكس كنت اشربها الصباح الساعة 9 او 10 احط ظرف كامل في نص كاسة موية مغلية واشربها دافية وبعد نص ساعة اكل 2سندوتش جبن سايل بالتوست او بخبز الهمبرجر او حبتين كرواسان العثيم بالجبن وقت الغدا لما يجي زوجي بعد العصر لذلك اقضي الفترة الصباحية من فطوري الى العصر بشرب الماء فقط (ليس الماء البارد وانما الفاتر) على قد مايقدرني ربي مرات 4 كاسات متفرقة ومرات اقل ومرات اكثر بس لما يجي العصر احط غدا عااااادي يعني رز ومرق(ايدام) ايا كان نوعه مع دجاج واشرب مع الغدا علبة لبن صغيرة وكنت اكل غدا عااااادي يعني للأمانة ما كنت ماخذة الامر بجدية مرررة بعدين اشرب كاسة شاي اخضر الربيع الورق بعد الاكل بنص ساعة تقريبا عشان اهضم ثم اقضي الوقت بشرب الماء ايضا الى العشاء وبما انو العشاء هو وقت قهوة زوجي اصلح قهوة ومعاها حلى (مو كثير مرة قطعتين معمول انوش بالتمر او حبتين شوكولاته واحيانا ازيد عااادي) وبس .... على فكرة انا يوم الجمعة ما شربت القهوة لانو كان عندي عزيمة وكنت مو فاضية فنسيتها لكني اكلت عااادي بالعزيمة رز ولحم وحليت بعد المغرب مع القهوة كمان ....... بصراحة يا بنات انا تحمست وقررت ابدأ أخفف أكل هالاسبوع عشان النتيجة تكون اقوى وراح اشوف النتايج ان شاء الله . لا تنسوني من دعائكم واي استفسار انا حاضرة واعتذاري من صاحبة الموضوع لكن حبيت انقل لكم تجربتي بواقعية وصدق ويمكن الي نفع معي ما ينفع مع غيري ويمكن القهوة الي هنا غير عن قهوة برا ويمكن فصيلة الدم لها دور (فصيلة دمي A+) الله سبحانه اعلم .

بناااااات أنا رجعت :) تميت اسبوع على هالقهوة وجايبة لكم النتايج اولا : قولوا ماشاء الله...