قبل فتره فيه بنات
كانوا يسالون عن القلايه الى من غير زيت
اذا فيه احد جربها
وبعد ماجربتها كان لازم ارجع اقول لكم تجربتى معها علشان الكل يستفيد
اولا هذي صورتها
مزاياها
غسلها بسهوله تشيلين قطعه داخليه وتغسليها وترجعينها
فيها تايمر لضبط الوقت
ممكن تطلعينها خارج البيت فى الحوش علشان الريحه وممكن تسافرين فيها لانها تعمل حتى الخضار واليخنات
والحنينى وتحمس القهوه
فيها زي الريشه من داخلها تقوم بتحريك الاكل طوال الفتره الى تشتغل فيها
مافيه اشعاع زي المكرويف فقط تعتمد على الهواء الساخن
ليست سريعه مثل المكرويف يمكن اسرع من الفرن شوي
ثاني شي انا جربتها فى البطاطس الجاهز المثلج وبدون ولا نقطه زيت طلع روعه تحتاج من 7 الى 10 دقايق
جربت فيها الكفته
الاقرل
السمبوسه كلها طلعت مقرمشه ولذيذه واحسن من الفرن واحسن من القلي
سعرها غالى اعتقد فى السعوديه بالف ريال
كتبت تجربتى معها وحاضره لاي سؤال
وماابي منكم غير دعوه حتى بدون كتابه ان الله يوفقني وعيالي