فيه شخص ثقيل دم كل ماقابل خويه يدور شيء ينتقده
وكل سوالفه كنها سوالف نسوان ..
مره يقول (نعالك مو ماركه)
ومره (قماش ثوبك صيني)
وآخر مره قاله
(قلمك رخيص مو زي قلمي الـ dior)
فكتب له بقلمه هذي الأبيات
في جيبي العلوي قلم بأربعه ريال
وأخطّ به مالا يخطّه (ديورك)
هذي علومك،،، كلها عوج وهزال
اسمعني، اللــه لايجبّر كسورك
فرحان.. تشري بـ(ألف وشويه) نعال!
تمشي بك دروب المذله بـ شورك
ومفصّل بـ (حول الثلاثميه) عقال!
وتحته عقل فارغ سوى مـن غرورك
يا تافه .. ارخ السمع للي بينقال
وتراه ماهو مـن دواعي سرورك
اللبس ماعمره ستر عيب رجّال
هذا انت ماتستر خَواك بـ قشورك
ومادامك تقيس الأوادم بالأشكال
عندي تساوت غيبتك مع حضورك
رح خاو خاوي مثلك أشبه بـ تمثال
يرضي برستيجك ويسعد شعورك
ما اتشرف بمعرفتك ولا انت فـ البال
ولا عاد أشوفك عندي ولا بأزورك
مغنيني اللـه عنك برجالٍ ثقال
مافيهم اللي حب تمثيل دورك
أقلّهم لو شاف تقصير وإهمال
يسد نقصك ما يدوّر قصورك...!!!
حب ومرح @hb_omrh
عضوة
يلزم عليك تسجيل الدخول أولًا لكتابة تعليق.
ماشاءالله
صح لسااانه وتسلم يمنااك ي الغلا
حلوووه بجد وصاحبه ذا وش يحس به يحمد ربه ان اخوك متحمله
الله يصلح حاله ويهديه
صح لسااانه وتسلم يمنااك ي الغلا
حلوووه بجد وصاحبه ذا وش يحس به يحمد ربه ان اخوك متحمله
الله يصلح حاله ويهديه
تسلمي يالغلاعلى هالنقل
وصح لسان قايلهاوالقلم
مو بالدراهم القلم بيد فاهم
مثل حد السيف صارم الجم حروف
ومفاهم ..
الف شكر للمشاركة الرائعة وتقبلي احساسي.
وصح لسان قايلهاوالقلم
مو بالدراهم القلم بيد فاهم
مثل حد السيف صارم الجم حروف
ومفاهم ..
الف شكر للمشاركة الرائعة وتقبلي احساسي.
الصفحة الأخيرة
القصيده...رووووعه..
أكيد النقد المستمر...ممل
وصاحبه...مو مرغوب عند الناس..
حب ومرح.....ننتظر جديدك