القمل .. وطريقة التخلص منه .. مجربه

بسم الله الرحمن الرحيم
السلام عليكم ي حلوات
القمل و ماادراك ماالقمل يالله عذاب نفسي قبل مايكون جسدي
لكن عندي طريقة ومجربه شخصيا ومضمونه
اول شي جاني القمل من مشغل حسبي الله عليهم ف زواج اختي رحت للمشغل ومن بعدها وانا اعاني والمشكله شعري طويل ماكنت انام من كثر ماهو يحكني و كنت دايم اجدله ف المدرسه وانا ف اخر سنه من الثانوي حاولت استخدمت شامبوهات القمل ولا راح وحتى شرشف سريري اغيره يوميا واطلعه للشمس المهم استخدمت زيت الزيتون كنت ازيت شعري وارفعه واحط ع راسي كيس البقاله الي تجي اللوان و بعد ساعتين افكه والله كنت اشوفه ميت ف الكيس و ف جبهتي واذا دخلت اتروش امشطه ب مشطه الفه عليه ب خيط يصير مثل مشط القمل وتطلع بلاوي وكان يخف لكن ماراح لين قريت موضوع وطبقته وفعلا راح والله من اول او ثاني استخدام الي هو " ديتول الاخضر " هذاك الي يشبه البني كنت اخذه ف صحن عميق و اخففه ب مويه واصبها ع شعري كله كاني بزيته و الف شعري فوق واخليه ساعتين و كنت احس ب حراره او زي لمن احد يقرصني وبعد الساعتين اتروش ويروح وفعلا من مرتين راح والله
هذا الكلام صار لي السنه الي راحت وهاذي السنه رجع لي من بنت بنت خالتي الله يستر عليها مادريت ان فيها واعدتني ولمن رحت اشكي ل امي علمتني انه البنت فيها ورجعت استخدمت الديتول من مره راح والله طبعا امي لمن كنت ف 3 ث ماكانت تدري انه جاني استحيت اعلمها مع اني نظيفه والله
ولا تتشمتون ف احد كنت اضحك اقول من باقي يجيه قمل و سهل يروح ولمن جربت ندمت والله رعب والله .. الله يبعده عنكم
طولت عليكم
المهم جربوها وبترتاحون