القناعه القناعهه اللهم لك الحمد ♥️♥️♥️

‏سلام عليكم أنا اليوم بتكلم عن الإيمان بالله أنا من الناس اللي صار فيني طبع الأيام أن كل شيء يصير فيني يصير لي أقول هذا الشيء خيرا من رب العباد فعلا والله العظيم إني صرت ما أقول هالكلمة لو كنت محتارة بين شيئين فعلا والله اقول ربي اختر لي صح يعني لدرجة وصلت مرحلة إني لما بروح لصديقتي واحس مالي نفس اقعد افكر كم يوم بعدين أقول خليها بوقتها وادعي يارب اختار لي الصح وفعلاً والله مره محتاره ودعيت ومارحت لصديقتي احس تعجزت وبطلت وعلى الساعه ١٠ دقت علي وحده تبكي ان اخواتي صار عليهم حادث وانا يلا الصياح والصريخ وبالنهايه طلعت غلطانه تخيلت اني لو رحت عند صديقتي وهالصياح والصريخ عند اهلها وصديقاتي وش بيكون فشلتي ؟ فعلاً ربي ردني ماروح خير لي ومره كنت بمستشفى ومره مره خايفه اني ادخل لدكتوره واتحطم مثل كل مره وكنت متخخخوفه طبعاً عارفه ان اللي انا رايحه له مافيه علاج لي ولا شي بس رحت لاني حسيت اعراض وكانت هالاعراض ماتجي الا فعلاً فيه مشكله او انتكاسه وكنت متخوفه مره وصرت استغفر واقرا المعوذات وبعدين لما جت عند اسمي عشان ادخل الا تقولي اصبري اول شي ندخل الناس اللي طلعت نتايج تحليلهم بعدين انتي !! اختي عصبت اننا تأخرنا انا قلت خيره ربي مدد لي الوقت عشان ادعي فيه والله دعيت قلت يارب لا تخليني مثل كل مره اطلع متحطمه ومنكسره يارب ياتبشرني باللي مستحيل يصير او اطلع مستانسه ومتطمنه وفعلاً والله العظيم دخلت الا الدكتوره تبشرني تقولي بجده طلع فيه تقنيه جديده للعلاج لحالتك ممكن تفيدك مع ان علاجي شبه مستحيل !!! وربي قلت ي الله ياربي ماكرمك 😢 والله ي بنات كنت محتاره اروح اي دكتوره فيه دكتوره مدوحها لي واختي تقولي خلينا نروح للي مدوحها قلت بسيطه بالطريق نتفاهم وقبل لا اركب السياره قلت يارب دلني لدكتوره اللي تفيدني ولما ركبت السياره قلت لاختي ابغى الدكتوره الفلانيه قالت لا رووحي للي يمدوحها قلت لا مابغىىى وزوجي معارض برضو اروح لدكتوره اللي انا ابغاها قلت لا ولزمت على هالدكتوره وفعلاً فادتني كككثيرر والله قمت احمد ربي واشكره من قلبي على هالنعم 😢😢 واقتنعت اقتنعي بالله انه رايد لك الصح صدقيني بتحسي الحياه بمبي على قولتهم اقولكم موقف اخير مره كنت نفس الطريقه بروح للمستشفى عشان اسوي تحاليل ومابغى زوجي معاي وانا بمنطقه بعيده عن اهلي وقلت لما اجي لاهلي اروح اسوي التحاليل وهو مو داري وفعلاً رحت عند اهلي وكل مابروح مع اختي اسوي التحاليل يصير شي يفركش الروحه واقول خيره وفجاءه الا زوجي يدق يقول انا ماسك خط وجايكم قلت ي بنت قولي له يروح معاك هو وخلصنا ورحت قلت له قال انا مشغول روحي مع اختك ورحت وانا قلبي مرتاح ومطمن بدون تخبي وتدسدس عرفت انه كله كان خيره بس تؤمني بذا الشي تعرفي انه خيره انا حتى الاشياء الشينه اللي تصير لي صرت اقول خيره وأي شي أي شي حتى لو من قلبي ابغاه اقول يارب اذا صح دلني عليه وربي انه صدق اسوي الشي الصح واذا ماصار ماتحلطم اقول الحمدلله خير لي حتى زوجي صار ماخذ هالطبع مني والله نعمه ي بنات نعمممممه عععظيممههه مايستشعرها الا اللي مجربها اؤؤمنو بالله وخلي كل شي بوقتها وتوكيل من ربي والله غير يتيسر كل شي خير لك ولا تتحلطمو وتتعبو لو خطوه وحده لا تمشيها الا وانتي داعيه ربك انه يبارك لك فيها او انه يبعدك عنها اذا فيها شر لك الدعاء الدعاء الدعاء وطبعاً الدعاء مع الصلوات بوقتها والاستغفار ععععظيم عظيممم والله مهما كان ابتلائك ادعي ولا تنتظري من البشر شي انتظري من الرحمن وبس وصلاة الليل لا تنسوها طريقتها سهله شوفوها بقوقل ماتاخذ منك ١٠ دقايق وادعي والصح اللي تحسي انه قلبك مطاوعك تسويه سويهه لو ايش ماكان يكون نصيحه والله لوجه ربي انا شفت من بعد هالشي القناعه والراحه من ربي دعواتكم لي 🖤🖤