{😀القناعه نظاره .. ان لبستها رايت الحياة جميله 😀}

انا بقولكم ع شي غير حياتي وخلاني اقتنع بكل شي حولي .. انا متزوجه وبكمل سنتين بدون اطفال الحمدلله ع كل حال .. كان موضوع الاطفال عندي عادي يعني الحمل شايلته من بالي بالمره بس فالفتره الاخيره صار حلم ابغى احققُ .. وكمان صحباتي المتزوجات كلهم باطفالهم ويتكلمو عن الحمل وهذا زاد عندي غريزة الامومه اكثر.. واذا نزلت الدوره وانتو بكرامه ازعل استغفر الله اللهم لا اعتراض ! الله كريم سبحانه فتحني ع شي كنت غافله عنه كثير الا وهو التامل ف نعم الله واقتنع باللي عندي وانظر ف حولي .. وربي شفت عجب ! وندمت ع قلة صبري 😢 .. شفت ناس لهم سنين بدون ذريه وهما صابرين ماشاء الله .. وناس يندبو حظهم بازواجهم وبيوتهم واولادهم ! وشفت اشياء كثيره لاتعد ولاتحصى بس اللي استنتجو ف النهايه انّي قبل لا اجزع واتسخط احط مكاني بمكان شخص ثاني .. يعني اذا انا عندي اطفال وبدعي عليهم اشوف اللي بدون اطفال واحمد ربي .. اذا انا عندي بيت مكفيني ومريحني اشوف غيري اللي ببيوت هلكانه واحمد ربي ..اذا عندي زوج مدلعني ومو مقصر معي حتى لو حالته الماديه بسيطه احمد ربي ف غيري ازواجهم عندهم الملايين ومكدريين عليهم ! و الحيااه بنعيشها مره ليه نكدر ع عمرنا ونزعل ونتلحطم وكل شي مكتوب باللوح المحفوظ من قبل لا نتولد ! ليه يابنات مانشوف النعم اللي عندنا ونرضى ونقتنع فيها ونحمد ربنا ونترك الجزع والتسخط ! الحمدلله دائما وابداً
آسفه ع الاطاله 😂😘
حكمه جميله
{😀القناعه نظاره .. ان لبستها رايت الحياة جميله 😀}