القناع الطيني البركاني الرهيب لنضارة البشره,,,,,,,,

السلام عليكم ورحمة الله وبركاته

اخواتي العزيزات في موضوعي اليوم بقولكم عن قناع طيني بركاني للبشره

يعطي نضاره ولمعه عجيبه للبشره ويعطيها لون حلو وانا صارلي

3 ايام مجربته على بشرتي حسيت انه يشد البشره ويبرز لخدود

طبعا انا ماانكر اني كنت ماخذه من فتره وصارلي سنه حبوب ايميدين

لشد البشره وعطاني نتيجه فعاله بس تركتها لاني وصلت لنتيجه راضيه

عنها والحمدلله وبعدين المنتج دنامركي فامتنعت عنه نهائيا وانتوا عارفين

السبب,,,,,, فحبيت أحافظ على شد بشرتي ونضارتها ,,,,,,,

فاستعملت هذا القناع ,,,,,وهو مكون من مزيج من تراب البراكين

الغني بالمعادن والاملاح ومن جميع ثمار الفواكه المجففه حتى جنين القمح

وغذاء ملكات النحل المجفف موجود فيه ,,,

القناع هذاااا يابنات ماشريته الا يوم شفت مرة اخوي مستعملته وحاطته على بشرتها

يوم كنت زايره اهلي وكنا نسالها ويهج ماشاء الله حلو وفيه لمعه وقالت انا

استعمل زبدة كاكاو ,,,,, وقعدت تبولع بكلامها وعصبت وقالت لنا على القناع

وقالت خلاص هالقناع مراح استعمله سبب لي حساسيه واذا تبون تستعملونه

بكيفكم ماني مسئوله اذا صارلكم شي بس موعلينا ,,,,,,,

لأنها عطت للوالده منه بس الوالده ماتحب هالسوالف ,,

المهم رحت للعطار وخذيته وسالت عنه عند صديقاتي وطلعوا يعرفونه بس مايقولون

الله يساااامحهم ,,,,,,,,,, بس قالتلي وحده جزاها الله خير ويجعله في ميزان

حسناتها ,,,, بس والله يوم حطيته على ويهي وغسلته طلع ويهي يهبل

حسيت بنعومه فظيعه ويهي انشد وقمت استعمله بالأيام الي ماحط فيها

كريم ماااااجيك واذا تبون طريقته انا حاضره ,,,,

يابنات هذا لكريم تحطونه ونتوا مطمنين لاكرتزون فيه ولا شي كلها اشياء

طبيعيه ,,,,, واذا تبون بياض يصير اذا خلطتوه مع روب أو حليب بودر

وماي ورد ,,,







وسلاااااااامتكم يااالغاليات

وانا بانتظار أسالتكم وردودكم