اليوم جايبه قصيده للشاعر طارق المحساس
اتركم مع القصيدهـ....
ليش نزلتي عيونج ؟؟ ارفعيها وطالعيني
ولا يعني انحرجتي يوم جاوبتي سؤالي ؟ــ
ليش قلتي لي احبك ؟؟ ليش كنتي تخدعيني ؟
ليش قلتي لي حبيبي ؟؟ ليش قلتي لي غالي ؟
كان ممكن ما احبج كان ممكن تتركيني
كان ممكن من البدايه تخدعي غيري بدالي
ليش انابالذات يعني ؟؟ ليش قولي جاوبيني؟؟
بعد غدرج خبريني وقولي بس شــ اللي بقالي
والله اني ماجرحتج ليش انتي تجرحيني؟
هنت على قلبج حسافه وانقضت اجمل ليالي
القهر للحين احبج وادري انج ماتبيني
والمحبه من طرف واحد نهايتها زوالي
كان عمري في يدينج قولي وش كان بيديني
اذكر انه من غلاتج كان قدرج فوق عالي
كنت اتجاهل واطنش يوم نغزاتج تجيني
وكنت اقول الحب اكبر من تصرف لامثالي
ابغي من وقتج دقيقه بس انج تمنحيني
بس ابا اقولج ثلاث اشياء واروح وامشي لحالي
اولا فعلآ احبج وكنتي في قلبي وعيني
وكانت الدنيا بوجودج شي روعه شي خيالي
وثانيأ على اللي بدر مني دخيلج سامحيني
يمكن انه زل لساني وقلت انج راس مالي
ثالثأ اسألج بالله واطلبج لاتذكريني
احرقي كل القصايد وانسي اشواقي ووصالي
المهم اني ابا ابعد وانتي روحي واتركيني
ارجعي له ومثلي له دور البريئه اللي تبالي
وفي النهايه قبل ما انسى بقولج كلمتيني
كان هذا اللي تحبينه محمد ولد خالي
أمها مدلعتها @amha_mdlaatha_1
محررة فضية
يلزم عليك تسجيل الدخول أولًا لكتابة تعليق.
خيااااااااااااااااااااااال
بصراحه حيل اثرت فيني هالقصيده
واقولك من القصيده هذه انا راح احرص اني اشوف مشاركاتج كلها
عن جد ذوووووووووووق
لاعدمناك يادلوعه
بصراحه حيل اثرت فيني هالقصيده
واقولك من القصيده هذه انا راح احرص اني اشوف مشاركاتج كلها
عن جد ذوووووووووووق
لاعدمناك يادلوعه
خيااااااااااااااااااااااال بصراحه حيل اثرت فيني هالقصيده واقولك من القصيده هذه انا راح احرص اني اشوف مشاركاتج كلها عن جد ذوووووووووووق لاعدمناك يادلوعهخيااااااااااااااااااااااال بصراحه حيل اثرت فيني هالقصيده واقولك من القصيده هذه انا راح احرص اني...
المحبه من طرف واحد نهايتها زوالي رووووووووووووووووووووووووعه:( تسلمين
الصفحة الأخيرة
بس قهر والله....مشكور حبيبتي على النقل ..