ياما حلا الفنجال مع سيحة البال في مجلس مافيه نفس ثقيله
هذا ولد عم وهذا ولد خال وهذا رفيق ما لقينا مثيله
الله يكفينا الشر وينكن ياحريم والا لازم نناديكم ماعاد احد يجي الا بعزيمه اوصلت اللين صارت في المنتدى يصير نتعازم فيه بعد
حياكن الله على القهوه وصحن االتمر >>وش فيكم تبون حلى ماعندي يكفيكم صحن التمر الدلع ماهو زين الا لازم حلى
وينكم ماتلاحظون ان المجلس صاير بارد وممل اللي يجي بس يقراء ويطلع والا قضايا مابيدنا انا نحلها خلاص ملينا نبي نرجع لاول كله سوالف ومزوح وفلة حجاج
موضوعي اليوم او جلستنا اليوم نبي نتناقش ونتسامر فيها عن القهوه والدله
ياكثر ماقيل في الدله والقهوه بالذات ولوي شاعره كان طلعت فيها دواويين من حبي للقهوه
لاضاق صدري قمت اسوي من الكيف
فنجـال بـن مايغـبـب سريـبـه
الله على الفنجال مع هجعة النـاس
بـدلال نـارٍ مايبـطـل سنـاهـا مع حمسة يملا بها كـل محمـاس
حطوها بين قوسين ((الله على الفنجال مع هجعة النـاس))
يووووووووووووه يالقهوه يابنات لو اتكلم لبكره ماراح اخلص من مدحها امي اذاجت تنام قالت يالله خذن قهوتكن وكملن سهرتكن
عاد حنى ام البراءه لا مانبي قهوه اللحين
عاد امي ماني (بغاويتكن) بناتي وعرفكن زين امي عارفتنا ذاك الشبل من ذاك الاسد
لولا العماس وضيقة الصدر ماجيت
ايضـا ولالـى حاجـة بالتعاليـل
باحلو فنجال الضحى كان قهويـت
ان سولفوا به شاربيـن الفناجيـل يا ما حلى الجلسة على حافة النار
مع دلة جنب المعاميـل صفـرا
يخلط لها من صافي البن وبهـار
والعنبر الهندي مع الكيف يبـرى
مع ربعة بين المجالس لهم كـار
الكل عـن ذكـر المناقيـد يـدرا
ما بين حلوات السوالف والاذكار
على مسيل طامـي قـاع خبـرا
في مربع بين الخزامى والازهار
لافاح ريحه تلقى الارواح سكرى
الارض خضرا والمداعيث نـوار
والجو غيم وهامي الطـل يـذرى
تخيلو بس لوانكم هنا وانا جالستن اقهويكم >>>ياحظكم فيني
سوولي الكيف وارهو لي من الدله
.................... البن الأشقر يداوي الراس فنجالـه
كيف لنا نحرقـه بالنـار وانزلـه
.................... واليا انقطع لو ورى صنعاء عنيناله
أما لوصارت بعد شقراء وفيها زعفران ومعاها صحن حلى ماودك تقومين وتبين كل اللي تحبينهم لو أنهم معاك
كل الشعراء يمدحون القهوه وفي كل الاوقااات بعد
متى وقت شربكم للقهوه الوقت المفضل ؟
سوال كيف طريقة سواتكم للقهوه ؟
حياكم المايك لكم فابدعو بالسوالف والحكاوي
هيضتي مشاعري
ماغير اسوي القهوه واشربها لحالي واذا فضالي زوجي يتقهوى معي
يارب تردنا لاهلنا سالمين غانمين