القهوه الصح هي تنطبخ زين نص ساعه اقل شي والا تعتبر مويه خذي الغلايه حقت المويه وعبيها لين اخرها وخليها تفور وصبيها في الابريق وحطي عليها اريع ملاعق حقت باسكن روبنز مقياسي او خمسه طبعا البن كل ماكان جديد وطازج سوا الهرري او الخولاني كل واحد له طعم ونص حمسه ولازم الهيل يكون نوعيته ممتازه هيل فرحانه الهندي مطحون جديد ونحط ملعقه صغيره في الدله وملعقه خلطه القصيم مع القهوه وهي تفور واذا تحبين الزعفران الاصلي لك حريه طبعا في الاضافات ناس تحب القرنفل والزنجبيل والشيبه والنانخه وناس تحبها ساده فقط هيل وزعفران او خلطه القصيم اهم شي طبخها زين مايقل عن نص ساعه عشان تسير راكده وتكيف الراس

القهوه هذي اكثر كلمة تناسبها.... مزاج ونَفَس...
قهوتي دائما مميزة ولا استسيغ اي قهوه لازم يكون قوامها وسط وبهاراتها معتدلة بنكهة مميزة
قهوتي أخذ أفضل نوع بالسوق واحمسها واطحن كل يومين او ثلاثة كمية
اطبخها نصف ساعة تقريباً واحط بالدلة هيل مطحون وزعفران هذي اساسي وازيد احيانا قرنفل ونانخه وزنجبيل حسب المزاج👌
القهوه بصراحة فن وذوق

اول شيء على حسب جودة القهوة و احسنها الهرري و البرية و ثاني شيء على حمست القهوة و كل واحد و له ذوق
ناس تحبها محروقة اشوي و فيه ناس تحبها شقراء و فيه خفيفة مرة
وعلى حسب ذوقي الشقراء افضل شيء ،، تحمسين اللي يكفيك اسبوع لان اذا طولت و هي محموسه و مطحونه يتغير طعمها
.
طريقتي ل تحضير القهوة:
١-افوح الماء
٢-اصب مقدار كوبين من الماء المغلي في البكرج المخصص للقهوة
٣-اضيف فنجال و نص قهوة
٤-اخليه تفوح لمدة عشر دقايق
٥-اضيف ملعقة كبيرة هيل و زنجبيل و قرنفل (مسمار)
٦-اخليه يطبخ لمدة تقارب ال١٥ دقيقة الى ٢٠ دقيقة
٧-اضع الزعفران في الترمس (الدلة)
٨-اصب القهوة اللي في البكرج على الزعفران اللي في الترمس (الدلة)
على قولت الشاعر :
صبوا لي الكيف و ارهوا لي من الدلة
البن الاشقر يداوي الرأس فنجاله