البحر الطويل
البحر الطويل
اسمعي يا اختي..انا ابا اعطيك طريقة اعداد القهوة اللي تعلمناها من اهلنا ولا زلنا نستخدمها الى الآن..
تششتري قهوة برية قطما وتكون حباتها صغيرة وكاملة وسعر الكيلو 35 ريال تقريبا وبعد تنظيفها من الحصى والشوائب تحمسين منها كمية ويكون لونها وسط وتاخذين منها كمية قليلة استعمال اسبوع (وتحفظين الباقي بالفريزر للاحنفاظ بالنكهة)وتطحنينه ولايكون ناعم مرة..وتغلين الماء بالمبهرة حتى يغلي وبعدين تحطين مقدار فنجان ونصف قهوة في لتر ونصف ماء تقريبا وترفعين النار حتى تفوح وانتي عندها ثم تقصرين النار فورا الى اقل درجة لمدة ربع ساعة حتى (تقطع) وهذا مصطلح نجدي لايعرفه الاالقليل ويعني استواء القهوة..وبعدين تحطين 3 ملاعق صغيرة جدا من الهيل الاصلي المطحون حديثا والمحفوظ بعلب الاستيل والمطحون معه كمية قليلة من الزعفران الايراني الاصلي في الدلة( الافضل تكون نحاس ومربوبة) او دلة العساف اودلة السيف وتكون من الاستيل الاصلي..ثم تصبين القهوة عليها ثم ترفعينها على النار لدقيقة واحدة حتى تفوح..بشرط ما تطيش على الفرن..وجربيها وعلمينا بالنتيجة..
بين احبابي
بين احبابي
عمرك طويل اختي

دوبني كنت بنزل موضوع اسال فيه عن القهوه

وفعلا الشنه لها نكهه خاصه في القهوه بس انا غبيه من زمان ما عاد اضيفها
وانا اقول وش صار لقهوتي خربت

ان شاء الله اجيبها اليوم واضيفها مع البن والمستكه كمان بس ما تكون كثير
مبهمه
مبهمه
الله يوفقكم استفدت منكم
@أم عدنان@
@أم عدنان@
الشنة لها اسم ثاني على فكره (الشيبة ) واحنا بالحجاز نستخدمها بالرز العربي وبالشورة القمح تعطي ريحة تدوخ :)
طريقتي السهلة بالقهوة اجيب كيس بن هرري لون الحبة اخضر ابو 5 كيلو واحمسها لونها قريب للون حمسة الاخت لينا الله يسعدها ومااطحن الا لما اكون محتاجه وهنا السر وممكن تطحني كل اسبوع الكمية اللي تحتاجينها وحتى الهيل مثل ماقالت احد الاخوات انه يكون جديد احسن اجيب المفواح حق القهوه واحط فيه موية لتر تقريبا واخليها الى ماتغلي واحط عليها فنجان قهوة مطحون واخليها تطبخ مو اقل من ربع ساعه افضل 20 دقيقة واجهز بالترمس ربع ملعقة هيل مطحون ربع ملعقة زعفران واحيان اضيف ربع ملعقة بهارات القصيم تلاقيها عند العطار ب10 ريال واصب عليها القهوة والله تطلع خياااااااااااااااااااااال بالذات اذا كنت توني طاحنة القهوة
وموفقه
alwagd
alwagd
اختي وممكن تضيفي من الاشنه قطعه صغيره في ترمس القهوه

تطلع لك نكهه رهيبه خذي بس قد الظفر وحطيها بالترمس مع الهيل والزعفران وجربي

متأكده بتعجبك النكهه

والبنات ماقصروا بالباقي