القولون

وعليكم السلام
سلامتك ما تشوفين شر وقدامك العافيه
القولون عشان ترتاحين منه لازم انتي تركزين في اكلك وشربك وتعرفين بعد أي صنف طعام تهيج معك وصار في انتفاخات وغازات اذا عرفتي الصنف اللي يسبب لك مشاكل ببساطه اقطعيه وتجنبيه وبتوفرين على نفسك مشوار كبير من التعب
وعلى رأس قائمة الاطعمه السكريات العاليه وزيوت القلي
ومنتجات الحليب الحيواني بسبب وجود اللاكتوز
منتجات القمح ومشتقاته سواء طحين ابيض او بر او خبز ومعجنات او برغل وسميد بسبب وجود الجلوتين
كذلك البقوليات والمكسرات بمختلف انواعها
والبعض حتى الخضار مثل الباذنجان والفليفله والطماطم والورقيات الخضراء تسبب لهم مشاكل بسبب انها تحتوي ألياف عاليه او بعض العناصر اللي اجسامهم ما تقدر تهضمها وتتحسس منها
وعشان تعرفين اللي يهيج عليك القولون ويسبب لك مشاكل لازم تجربين كل نوع ثم تلاحظين اذا ظهرت عليك اعراض ثم لاحظي بعد ما تقطعينه اذا تحسن الوضع .
ارجعي فكري قبل 6 شهور وش اللي تغير في نظامك الغذائي ومن بعده صرتي كذا وان شاء الله توصلين للسبب وتتجنبينه .
اما المشروبات الدافيه ممكن تنوعين تسوين زنجبيل او كركم مع رشة فلفل اسود او ينسون
وفي ناس يمدحون الحبة السوداء مع العسل وفي عضوه نزلت موضوع من فترة تمدحه بحط لك الرابط اذا ودك تشوفين الطريقه
https://www.hawaaworld.com/sho...
وفي ناس يمدحون الليمون الاسود المجفف تاخذين كم حبه وتطحنينها وتاكلين منها ملعقه متوسطه بعد الوجبه تسفينها وتشربين بعدها مويه او تخلطينها مع نص كوب مويه فاتره وتشربينه

تجنبي الحلويات او قللي منه قدر المستطاع واي شي فيه سكر والدهون والمقالي هذي اكبر عدوا للقولون انا معي من ٧سنين وإذا تهيج اكره نفسي وع الريق مويه دافيه مع عسل سدر اصلي كمان فيه واشتري من الصيدليه بروبيوتيك (بكتيريا نافعه )مره ممتازه للقولون وكمان المضادات لاتاخذينها الا محدوده عليها وفيه شاي اخضر مع نعناع اسمه شاي احمد فضيع يسكن الالم ويطرد الغازات تلقينه بالسوبرماركات الكبيره وفيه شي مهم التوتر بعدي عنه واشربي مويه كثير مقدار ٨اكواب او ٧ ونامي كويس