القولون والحمل ... معاناة

السلام عليكم :)

دكتورتي العزيزه خواتي العزيزات ابغي اسالكم عن القولون في الحمل لاني اصلا عندي القولون العصبي وكنت دايما اعاني من آلاااااامه وامساك وساعات اسهال بس بكل حمل لي قبل هالحمل كان يخف وايد ولا احس فيه الا مرات بسيطه وبشكل خفيف المهم بهالحمل صراحه باليومين اللي فاتو خربط شوي بالاكل يعني فلفل اشار بصل ملفوف كل اللي يفجر البطن والقولون وكنت نايمه العصر ولا دريت الا بذاك الالم تقولون بطني بينفجر حسيت ابغي اروح الحمام مسكت نفسي شوي لين اقدر اقوم بس صرخت صرخه الم يعني حسيت نفسي خلاص مب قادره وامشي بسرعه على الحمام وعانيت امساك فضيع يعني ( عفوا على هاي الكلمه ) قعدت قعده في الحمام ولا قدرت اقوم وكنت ناسيه الم القولون واحسب نفسي فيني شي ثاني من الحمل وقعدت اتعصر واحس كنه الراس يبغي يطلع والله يا بنات حسيت نفسي بولد وبعدين يالله يالله مسكت نفسي وقمت وانا خلااااااااص بموت من الالم ارتحت شوي واسبحت وبعدين بدا شوي شوي يخف الالم
المهم بعد هذا اللي صار حسيت الراس نزل تحت يعني من قوة الضغط واخاف يأثر هالشي على البيبي لاني اللحين مقدر امشي من امشي شوي حسيت بضغط فضيع تحت والم وظهري يعورني :(
مادري شو اسوي يعني معقول الراس نزل تحت بالحوض ؟؟؟ وبالنسبه للمشي استمر لو في الم والا ارتاح لاني خلاص بدش التاسع قريب وخايفه قل المشي يأثر على الولاده