نفس البنات

لاتخافين من تجربه شخصيه القيصيريه اهون من الولاده الطبيعيه>>>>>>>>>ميته خوف

الله يقومك بالسلامة
عمليتي بعد أسبوع أن شاء الله ربي يسهلها علينا
القصدرة يسوونها لك قبل العمليه واذا تبين بعد البنج كمان يسوونها
بس دكتورتي جزاها الله خير نبهتني لنقطة
تقولي وانتي مبنجه كل اللي معي بالغرفه بيشوفونك من تحت .. وانتي عارفه دكتور التخدير يكون موجود
قلت لها أجل سووها لي قبل لايجي وسويتها الحمد لله ما توجع بس خذي نفس عميق اذا جو يركبونها لك
بالنسبه للبس تقدرين تغيرينه بنفس اليوم بس لازم أحد يساعدك ويلبسك
لأن لبس العمليه مو ساتر ومفتوح من ورى
الحمام من ثاني يوم تروحين له ان شاء الله

الله يهديك بس .. قدايش انتي خوافة ..
انا اول حمل كنت ابكي كل ما كشف علي طبيب رجل ..سبحان الله الحياء مخلوق مع الانثى ..
1- القسطرة قبل لاتدخلين غرفة العمليات بربع ساعة ..
2- يمسحون البطن بمعقم ويحلقونه بموس من اعلى البطن وحتى خط البكيني ( الخطوة هذي لازم الممرضة تسويها حتى لو حلقتي بالبيت تعيد من جديد )
3- جاء دور طبيب التخدير راح يسألك اسأله بسيطة (اسنانك تركيب - عندك ضرس ذهب - عيونك طبيعيه ولا مركبة عدساات - عنك حساسيه )
4- ابدأي بالادعية واية الكرسي واكثري من قول ( لاإله الا انت سبحانك اني كنت من الظالمين )
5 - طبعاً لبس المستشفى انا مرة كان ساتر بطقطق والثانية بس خيوط من وراء بالله عليكم الخيوط وش تستر ؟؟ بعد العملية اطلبي اللبس الي ترتاحين فيه وثاني يوم البسي ملابسك وخليها تكون واسعة ومريحة وقطنية .
بالنسبة للغااازات يعطونك حبوب تسهل خروج البراز والغازات ( وانتم بكرامة )
دخول الحمام ثاني يوم لازم مساعدة من الممرضات -وخلي اهلك يساعدونك وقت الزيارة .

حبيبتي لا تخافي ولا شي ، الله يسهل عليك ، أنا ولاداتي الأربعه كلها قيصريه و الحمد لله على كل حال ، بالنسبه لأسئلتك :
1-هل قصدك القسطره بعد الولاده ؟ أنا ما أظن سوها لي يعني ما اظنها ضروريه ، تراه انا من أول يوم احاول اتحرك لكن بحذر و شي بسييييط ، ونصيحتي ما فيه احسن للقيصريه من المشي لكن بحذر ، أنا كنت امشي في ممر المستشفى وهذا يمنع انتفاخ البطن ، والشي الثاني ضروووري تاخذي عسل كم مره فاليوم ، لأن العسل يساعد الجرح يلتئم .
2-انا ما كنت آخذ تحميله على ولاداتي السابقه و كنت اتعب كثيييييير من نفخة البطن بسبب صعوبة الحركه ، بس في ولادتي الأخيره طلبت تحميله و حطيتها لنفسي !! صعب شوي بس ممكن
3-يلبسوك لباس العمليه و طبعا ما راح يكون ساتر كثير ، بس انا عادة ثاني يوم ابدل ملابسي و أكون حاطه لنفسي جلابيه أو قميص نوم غير شفاف و ساتر و ينفع للرضاعه ، طبعا انتي لما ترجعي للغرفه تكوني نايمه فالسرير و عليكي غطا ، وانا اذكر اني اغطي وجهي عشان شعري و رقبتي ما تبين ، أو ممكن تجهزي غطا واول ما تدخلي غرفتك احد من الأهل يلف راسك
4-الجلوس بعد العمليه يختلف يعني أنا اقل شي جلست ليلتين ( لكن بعدين تعبت ) و ممكن خمس ليالي ، بس نصيحتي لا تستعجلي فالطلعه و بعدين تتعبي فالبيت
5-حبيبتي دخول الحمام من أول يوم ممكن بس يكون حد واقف جنب الباب عشان اذا احتجتي لشي ، بس تراه انا خبره عمليات ، واول عمليه اذكر ان امي و ام زوجي دخلوا معاي عشان يساعدوني وكان اسوا وقت في حياتي :06: يعني احس الوحده بتخااااف و الحركه راح تكون صعبه لكن الوحده ممكن تعتمد على الممرضه فالبدايه ( أول يوم ) بس بعدين تقدر تعتمد على نفسها ،، لا تخافي وربنا يسهل عليك

ألف ألف مليون شكر
والله غمرتوني بلطفكم وعطفكم وتفاعلكم معي ومع أسألتي
مو غريبه على بنات هالمنتدى الجميل والاكثر من رائع
الله يجزاكم كل خير ويصلح أحوالكم ويسخر لكم أزواجكم ويصلح أولادكم وبناتكم ويحقق أمنياتكم ويقومني ويقوم كل مسلمه بالسلامه يارب
والله أفدتوني كثيييير الله يفيدكم ويحرم وجوهكم عن النار ووالديني ووالديكم يااارب
وشوكرا أيضا على طولة بالكم علي وعلى أسألتي أدري انها غريبه شويه ويمكن بايخه بس انا بكر وما تعودت وخايفه بس ربكم يسهل
وان شاء الله أول ما اطلع اطمنكم عني وعن جنيني