القيمات

سلام اخباركم ياحلوات
مبارك عليكم الشهر قبل الزحمه والله يبلغنا شهره الكريم وحنا بصحه
وعافيه :21:
مره وحده من البنات طبعا العام الماضي اكتبت طريقة قيمات كلمة روعه اشويه عليها
والمشكله اني كنت كاتبتها بورقه وضاعت وانا نسيت الطريقه بس اذكر فيها كسترد
وزبادي اتوقع او قشطه مدري الذاكره الله بالخير المهم مالكم بالطويله
ابي منكم كل وحده تحط طريقتها بلقيمات بالموضوع هذا علشان الكل يستفيد ونجرب
قيمات بعض :42::42:
وهذي اول طريقه لي بالقيمات وان شاءالله تعجبكم وهي لذيذه جربوها بس اشوي شغله
تحطين بالقدر كاس حليب سائل وبيضه ونص فنجال زيت وحركيها على نار هاديه لين
يدفئ الحليب بس انتبهي لايستوي البيض وسكري عليها من النار وحطي علبة قشطه
ثم جيبي كاس ونص دقيق انا احط الدقيق لين اشوف المقدار زين وملعقة صغيره سكر وملعقة خميره وشوي ملح ويصب المقدار فوقه وتعجن
لين تصير اثقل من الكيك بشوي وتخمر نص ساعه ساعه وبالعافيه على اقلوبكم
انتظر كل وحده تحط طريقتها نستفيد من بعض
لي عوده باذن الله :icon35: