هذا الموضوع للي يحبون الاكلات البحرية ,, واللي يحبون الاشياء الغريبة ..
الكافيار .. للي مايعرفه : هو بيض السمك ,, وفيه منه الوان الاحمر والاسود وغيرها
واستخراجه صعب لذلك سعرة غالي ...
المهم زوجي يحب الاكلات البحرية بجميع انواعها ..
وانا ماطيقها ابدا كنت اكل الكنعد بس ..
لكن بعد الزواج صار يلزم علي اكل الروبيان واكلته بالغصب
وبعدين صار يجيبه للبيت عشان انظفه واطبخه << طيب ماعرف انظفه ولااطيق الريحة
اول مرة بغى يغمى علي وانا انظفه ,, والحين صار الشي عادي وصرت احب اكله ..
عاد زوجي ماقصر كل انواع البحريات جربها وانا ماحب الا الربيان والكنعد و الهامور << صرت خبيرة بالاسماك
جميع انواع الاسماك حتى الحبار والسردين ..
والربيان بجميع مقاساته , وحتى السرطان( ابو مقص) << مادري وش يوكل فيه ..
مابقى الا الاخطبوط والقرش <<< الله يستر بعد لايجيبهن لاني شفتهن ببنده :mad:
ادري طولت عليكم السالفة وقلت قصة حياتي , بس ادعو ان زوجي يكرة البحريات :hahaha:
الزبدة .. زوجي قرر يجرب الكافيار .. لقيناه عند بندة
هالعلبة الصغيرة ب27 ريال << ماتستاهل
تدخل بطريقة تقديمه , نحتاج :
1/مايونيز او جبن سائل
2/ الكافيار
3/بقدونس وزعتر للزينه
4/خبز توست
نقطع التوست مثلثات صغيرة وتدهن بالجبن او المايونيز
نضع فوق الجبن او المايونيز م ص من الكافيار ..
وندهن بعض المثلثات بالجبن ونغطيها بالزعتر والبقدونس
وبعدين تصف في طبق التقديم
شوفوالالوان حلوة..
صورة اقرب ..
وبالعافيه على قلوبكم ..
ملاحظة: << ياكثر قرقك
عشان تتخيلون الطعم كنه ملح بس بريحة السمك
طبعا ذقته بالغصب :35: بعد التلزيم ..
يارب لك الحمد
ع العمووم يسلموووو
ويعطيك العاافيه