الكانولوني اللذيذة من مطبخي

طبعا انا معودتكم في مواضيعي انها تكون بالصور لكن للاسف اني سويت الطبق بس نسيت اصوره بس ان شاء الله اوعدكم اني ارجع اسويها مره ثانيه وبالصور




الكمية تكفي تقريبا 3 بايركس 2 نفس الحجم ووحده اصغر انا بحط المقادير حق هالكميه اوكي


المقادير:

معكرونة كانولوني تقريبا علبة كاملة ونصف علبة
صحنين دجاج صدور مقطع شرايح صغيرة واذا كان في مفروم احسن بعد
بصلة مفرومه ناعمة
ملعقة صغيرة ثوم مجفف (( خلطة من الشموس ))
نصف ملعقة صغيرة كاري (( خلطة من الشموس ))
2 علبة وبينج كريم
4 ملاعق اكل خلطة صوص بيتزا (( من ماركة راجو ))
2 ملعقة صغيرة اوريجانوا
2 مكعب ماجي
فلفل اسود وملح حسب الرغبة
بصل اخضر مقطع حلقات
جبن مبشور
نصف كوب ماي

الطريقة :

على النار حطي الوبينج كريم مع مكعب ماجي مع 4 ملاعق صوص البيتزا ومع الاورجانو وشوية ملح وفلفل اسود خليه على النار بس يغلي شوي وطفي عنه



بعدي حطي في الطابي البصل ونزلي عليه الثوم المجفف والكاري وقلبي وتقريبا حطي نص كوب ماي عليه وقلبي نزلي الدجاج وقلبي وبعدين حطي مكعب ماجي وحطي الفلفل الاسود والملح وتمي تقلبين لين تحين انه الدجاج استوى طفي عنه



بعد ما تبرد حشوة الدجاج


جيبي البايركس احشي الكانولوني ورصيها جنب بعض وبعطين صبي عليها خلطة الوبينج الكريم بحيث انج تغرقينها ورشي عليها بصل اخضر مقطع حلقات مع جبن مبشور وغطيها بالقصدير وبتكونين مشغلة الفرن من فوق وتحت من قبل بعد تقريبا ساعه الا ربع اكشفي وشيكي على المعكرونه اذا مستوية شيلي القصدير وخليها شوي تتحملر من فوق


وبالعافيه