وبالمناسبة الكانيلوني له عده طرق وانا اليوم براويكم وحده من هذي الطرق
ونبتدي بالجزء الاول من الموضوع ( الفيديو من اعدادي الشخصي وهو تطبيق للخطوات الي بكتبه تحت)
بالبداية نزهب حشوه اللحم :
نحط علي النار ( زيت وبصل وثوم مهروس حتي يذبل ) بعدها نحط عليه اللحم المفروم ونحرك لين يتغير لونه واحط عليه البهارات
فلفل اسود
كزبره
ببريكا
كاري
ملح
بعدها احط معجون طماطم واتركه يتسبك دقيقتين ويكون جاهز( اخليه الى ان يبرد )
بعد ما جهزنا الحشوه نجهز الصوص :
كوب حليب او علبه حليب 250 ملي
كوب كريمة خفق
ملعقتين جبن قلاص ( اي نوع اي ماركة الي متوفر عندكم )
رشة ملح وفلفل اسود
وبعدها اخلط المكونات الى ان تتجانس المكونات الي عندي
وبجذي تكون صلصلتنا صارت جاهزه !
الحين احشي الكانيلوني بالحشوه الي سويناه
وبعدين
اجهز طماطتين مبشروتين
واحط ربع كمية الطماطم المبشور في البايركس وقليل من الصوص
واصف الكانيلوني في البايركس
واحط عليه باقي الطماطم المبشور والصوص
( بحيث يكون طبقه اسفل الكانيلوني وطبقه فوق الكانيلوني )
وبعدها ارش عليه جبن موزريلا
وادخله الفرن علي درجة حراره ١٨٠ تقريبا نص ساعه
*ملاحظه* : المعكرونيه مو مسلوقه
وعلشان اعرف انها صارت جاهزه ووصلة الى مرحلى الاستواء ادخل شوكة الطعام في احد قطع الكانيلوني اذا حسيت ان مافي صوت والشوكه انغرست بسهوله يعني استوت
وبالعافية عليكم مقدما :)
اجربها ان شاء الله