الكبت العا طفي بين الزوجين 000 لماذا ؟

اختي العزيزه بنت الشرق...
أنا ماني متزوجه لكن ممكن اعطيك راي الخاص بالموضوع
للأسف البنت السعوديه صارت تحلم برجل اجنبي مو سعودي!!
تدرين ليش ؟ لأننا نشوف الاجانب دايما يعبرون عن حبهم للمرأه
دون خجل بالعكس بدافع قوي.. اما الشئ الثاني وهو جواب على السؤال
الاول فالسبب ان الرجل السعودي متعلم على السيطره والقوه والبعد عن اي شئ يحس ان فيه ينزل من مقداره ولا يصير ضعيف امام الزوجه وعنده كبرياء لازم يحافظ عليه مع العلم ان الحب ماهو ضعف ولا يضيع هيبة الرجل امام المرأه....
وصدقوني الكلمه الحلوه تخلي الحياه الزوجيه تستمر ....
وبعدين المرأه عاطفيه وتحب الكلام الحلو بس للأسف الرجال ما عرفوا
كيف يستخدمونها ويستغلونها لإرضاء زوجاتهم والتقرب من زوجاتهم .....اما الزوجه فهي نادر ماتكون جافه وقاسيه شوي وبالرغم من ذلك في نساء ايضا جافه لاتستطيع إيصال مشاعرها لزوجها مما يجعل الرجل يدور له وحده ثانيه احيانا..
وبطبيعة الرجل يبحث ايضا عن الحنان والكلمه الحلوه.. والمراه كذلك .. اما الحب أساسه القلب وينبني عليه التعبير عن تلك المشاعر الفياضه للطرف الاخر لانها ضروريه ....وما اظن ان الكلمه الحلوه تتعب احد او ان الانسان ما يقدر يقولها .....وانا من رأي مايكفي الحب في
القلب لان الفعل مقترن دائما بالقول...والقول مقترن
بالفعل
أما عند مطالبة الشخص للطرف الاخر التعبير عن حبه فهي أكيد عدم
مبالغه بل انا اعتبره حق من حقوق الطرف الاخر والرومانسيه ماهي عيب
ولا غلط بين الزوجين بالعكس تقوي الرابطه وتعيد ايام شهر العسل هههه
وانا بصراحه اموووووت على الرومانسيه
واخيرا اختم قولي بأن الرجل بطبيعته يعبر عن حبه بالفعل اكثر
والمرأه بطبيعتها تعبر بالقول والعاطفه....لكن هذا مايمنع انه يحسسها بحبه بالقول والكلام الحلو .....
والسلام عليكم ورحمة الله وبركاته.<FONT color="#1800FF"></FONT><FONT color="#1800FF"></FONT><FONT color="#1800FF">(ومن أياته أن خلق لكم من أنفسكم أزواجا لتسكنوا إاليها وجعل بينكم مودة ورحمه)</FONT>

عزيزتي بنت الشرق البنت في مجتمعنا تعود ت من الصغر على كلمة لا عيب البنت ما تسوي كذا و لاتقول كذا فخلاص تعودت على الحياء اكثر من المعقول صارت ما تقدر تعبر عن مشاعرها ما تقدر تد لل هذا الزوج بكلا مات او افعال واذا قالت يوم ما قالت اليوم الثاني حتى الزوج متعود على طريقة والدة مع امة ويطبق على الزوجة
بس المفروض الوقت والزمن تغير المفروض يصير فية ثقافة جنسية فية لغة حوار فية جلسات صداقة يتكلمون مع بعض كانهم اصدقاء واهم شي الكلام الحلو وكلا مات الحب و الد لع والرومانسية
وعلى ما قال المثل
السانك حصانك ان صنتة صانك وان خنتة خانك
وسلامتكم

تصدقون إني قرأت مرة أحد الأزواج السعوديين يقول :
إن الرجل السعودي أصبح يبحث عن زوجات من خارج المملكة ، لأن المراة السعودية لا تعرف كيف تعبر عن حبها لزوجها !!!!!!!!!

اخواتي

شطة وهمسات دليلة شكرا لتواصلكم

أرى ان الكلمة الحلوة والسلوك الذى ينم عن الحب الذى ينبض فى

القلب ويسرى فى العروق هى ثقيلة جدا على بعض الأزواج فى مجتمعنا

وحتى الأن لم أستطيع الوصول للأسباب الحقيقية

وأنا طرحت الموضوع محاولة ويبدو انها فاشلة للوصول للأسباب وراء هذه

الظاهرة حتى الأن لم ارى ان هذه الأسباب كافية لتجعل الرجل بهذه القسوة

والا مبالاة فا الأسباب التى ذكرتوها جزء من اسباب كثيرة ومعقدة

الأخت أم يحيى هذا الزوج الذى ذكرتيه لا يهمك هذا رجل يبحث عن مببر

لزواجه من أجنبية وللأسف دائما الزوج عندما يريد الزواج مرة أخرى لا يتورع

فى إلقاء التهم على الزوجة وفى الغالب تكون هذه التهم باطلة

وشكرا لتواصلك









فى أذن كل زوج وزوجة ( صفارة إنذار )

إن التمادي فى هذا الأهمال سيؤدى بتأكيد الى نتائج سيئة تهدد كيان الأسرة لأن المجال الأن واسع لأطلاق هذه المشاعر المكبوته وخاصة إذا لم يكن هناك وازع دينى يمنع الزوج أو الزوجة

فعلا ً الموضوع حساس ومهم ... لا ن بصراحه نفسي اسمع عن وحده تقول ان زوجها قال لها كلمه حلوه من قلبه !
انا ماني متزوجه بس عايشه في المجتمع ... واسمع واشوف حكايات عن الجفاف والجفاء اللي يعيشونه الازواج ..
انا بصراحه ماادري هل الازواج ( الرجال) يعتبرونها ميزه فيهم انهم يعاملون زوجاتهم بجفاء
او ان الزوجات ( الحريم) تعتبر ان هذا عيب وقلة حيا انها تبين مشاعرها لزوجها؟
اسمحوا لي اقول ان العيشه الجافه هذي بينتج عنها اطفال جافين ويكبرون ويصيرون مثل اهلهم ... الكلمه الحلوه مالها صفحه في قواميسهم... وليش بالله برأيكم ان البنات الحين مايرشحون ولد البلد انه يكون زوجها المفضل( فارس الاحلام) او على قولة ام يحيى ان الرجال يدورون حريم من الخارج.. الحين انت يايها الرجل كيف تبي زوجتك تعبر لك عن مشاعرها وانت ماعطيتها الصلاحيه؟ كيف تبيها تقول لك كلمه حلوه وهي ما سمعتها منك؟ كيف تبيها( على قولة البعض) تدلعك وهي عمرها ما تخيلت يوم انها بتشوف منك نظرة دلال لها؟
والله من جد الموضوع خطير... لازم يشوفون لهم حل ( الازواج والزوجات) والا ترا بيستمرون على المكابره والكبت اللي بتصير نهايتهم على يده

....... واعذروني بس الموضوع يحمس .......