الكبسه ؟؟

مو معقول ولا وحده تعرف طريقة الكبسه صح؟؟؟

شوفي يالغاليه اول شي قيسي الرز وانقعيه وخليه

بعدين قطعي البصل واحمسيه بالزيت حتى يحمر وحطي عليه طماطم وصلصه وحطي الدجاج أو اللحم والبهارات والليمون الأسود

ورشي عليه شوي ماجي ابيض وصبي الماء المغلي وخليه لين يستوي اللحم بعد كذا طلعي اللحم او الدجاج وكبي الرز

وخلي ارتفاع المرق عن الرز مقدار اصبع وحطي قرنين فلفل وخلي النار عاليه شوي لين تشوفين المرق بدا يقل

بعد كذا وطي النار عليه لييييييييين يستوي وبالعافيه على قلوبكم

شوفي كبستي

احس الرز مايحتاج له سؤال ..طريقته سهله..وذا تبينه يكون في كل مررره نفس ويكون ابيض وحلو
بس اطبخي الدجاج في ماء ومعه ضعي البصل وماجي ابيض وعود دارسين و4 حبات هيل و4 مسمار وبس
ولمن تستوي الدجاجه طلعيه وشخلي البصل على جنب
ثم كبي الرز على المرق واعصري نصف ليمونه وحطي زيت او زبده وبالعافيه

مشكوره يااسيرة القلوب وان شاءالله طريقتك تاسر قلب كل من ياكل رزي

كتكوته وبس معاك حق الكبسه ماتحتاج سوال بس انا ابيه طعمه واحد في وقت اسويه
وبجرب طريقتك ان شاء الله بس الاول بجرب اسوره عشانها اول من رد علي وسحور بكره بجرب طريقتك