كيفكم ياحلوات ان شاء الله بخير
رجعت لكم مع كبسه تجنن حتاكلي اصابيعك وراها
بسم الله نبدأ:
رز مزه مغسول ومنقوع ربع ساعه
لحم مسلوق في ماء وبصل ومطيبات لاتحطين ملح عشان اللحمه ماتصير قاسيه وعشان تستوي بسرعه واول ماتتكون طبقة الريم تشيلين الطبقه على طول وتخلين اللحم لما يستوي ساعه عالأقل
بعد مايستوي اللحم نسوي الكشنه اللي هي :
بصلتين مفرومه مع ربع كاس زيت عالنار
وتقلبينها لما يصير لونها اسود يعني لما يحترق
وبعد كذا بسرعه تحطين ملعقه كبيره ثوم مفروم وتحركينها وتحطين طماطتين مطحونه
ومكعب ماجي ونص علبة صلصه و8 حبات هيل عدله و8 حبات قرنفل عدله ونص ملعقه كبيره ليمون اسود مطحون
وليمونتين سوداء وعود قرفه وبهارات مشكله ناعمه وملح وحركيها لما يغلي الطماطم
الحين تشيلين المطيبات والبصل اللي سلقنا اللحمه فيها وتحطين اللحم ومويتها على الكشنه اللي سويناها وتخلينها ربع ساعه على نار هاديه عشان تتطعم بنكهة البهارات
والحين تحطين الرز ولازم المويه تكون اكثر مو موية كبستك اللي بالعاده وتعلين النار لما تبان حبات الرز بعد كذا وطي النار وبعد مايستوي اغرفيه
انا دايما اسويها بالدجاج بس هالمره سويتها باللحم وطلع من نصيبكم نزلتها باللحم
اذا تبين تسوينها بالدجاج اتبعي نفس الخطوات بس وقت سلق الدجاجه اقل يعني بس نص ساعه
ولما تستوي حمريها بالفرن وكملي باقي الخطوات
وصحه وعافيه على قلوبكم
حسبنا الله سيؤتينا الله من فضله انا الى الله راغبون