الكبسه النجديه على اصولها خطوه بخطوه

بسم الله الرحمن الرحيم
مرحبا اخواتي لاحضت ان فيه بنات ودهم يبدعون في الطبخ بس تنقصهم الطريقه المظبوطه
علشان كذا حبيت افيدهم بطريقتي في الكبسه وماشاء الله كبسه ولا اي كبسه ريحه وطعم
خيااااال من غير مبالغه بسم الله علي :42:
نبدا بالشرح والكميه تكفي يمكن ثلاث اشخاص
بصله مفرومه مع شوي زيت حتى يذبل البصل ثم جيبي جزره مبشوره وربع فلفله خضرا مقطعه صغير
او مفرومه وقلبيهم مع البصل حتى يتغير لونهم وتشمي الريحه ياسلام قصري على النار واضيفي عليهم
نص ملعقه صغيره بهارات مشكله ونص ملعقه صغيره كمون وكذلك قرفه مطحونه او قرفه اعواد واضيفي حبات هيل وقرنفل وليمونه سودا وحركيهم شوي ثم اضيفي الدجاجه وتكون مغسوله ومنظفه او اللحمه اللي تبغيها وتكوني غاليه مويه من قبل
وتصبي الماء المغلي حتى تتغطى الدجاجه او اللحمه واهم شي لايكون قدرك كبير يعني على قد الدجاجه بالظبط
وغطيها وخليها تقريبا اربعين دقيقه لاتزودينها ابد اغسلي رزك ونقعيه في ماء مغلي ورشي عليه شوية ملح
ومهم تنقيع الرز اكثر من نص ساعه بعدين اضيفي الملح للدجاج واظبطيه زين واذا خلص الدجاج طلعيه في صينيه
وصفي الرز من الماء وكتيه على المرقه حقت الدجاج وصبي عليه ماء الكادي تقريبا ملعقة اكل واذا كانت لحمه اضيفي الرز فوقها اذا الماء يدوب يغطي الرز خلي النار وسط واول مايطلع وجه الرز قصري عليه مره وحركيه شوي
والدجاجه رشي عليها شوي كمون رش خفيف بس وحمريها في الفرن وبعدين خذي بصله وقطعيها شرائح وحمريه في شوي زيت لين يصير لونها بني وصبي عليها شوي صلصة صويا وحركيها واذا استوى الارز اضيفي عليها
اربع ملاعق اكل من الرز وحركيهم وبس
اغرفي الرز في الصحن وجيبي الدجاجه فوقه ورشي حمسة البصل فوقهم ووزعي ليمون شرايح وبالعاااافيه
اهداء لعيونكم من اختكم الفجر الجديد ..