اليوم جيتكم بعد غيبه وبحط ألكم غداي اليوم وهو كبسه
نبدا أول شي نأخذ البصل المفروم ونحطه على النار مع ملعقتين سمن ونشوحه لحد ما يصير لونه ذهبي
بعدها نحط عليه الطماطم المفروم والبهارات كركم ليمون أسود مطحون كزبره مطحونه بهارات مشكله وشوي بهارات صحيحه هيل قرنفل قرفه فلفل أسود ومعجون طماطم وملح ونحركهم مع بعض
نتركه يتسبك مدة 5 دقايق ونحط عليه الدجاج وقطع البطاطس ونقلبه مع بعض ونتركه دقايق يأخذ النكهه مظبوط
وأذا عندك كزبره خضراء او بقدونس تفرمين شوي وتحطي عليهم راح يكون الطعم خيال
نغمره بالماء ونتركه يغلي بعده نوطي على النار الى ما يتم نضج الدجاج عدل
بعدها ننتشل الدجاج من الماء ونحمره في الفرن ونحط الرز في المرق وأذا غلى نوطي عليه ونتركه على نار هادئه الى حد النضج
بعدها نسكبه في طبق التقديم وبالعافيه طعم ولا أحلى وريحه ولا أزكى
بالعافيه على الجميع
