الكبه النيه

الكبه نيه اكله طيبه كتير وهي من اهم المقبلات اللبنانيه بس بشرط تكون اللحمه طازجه وتجيبيها من عند لحام نظيف ومضمون

الكبه نيه
المقادير
1 1/2 كوب برغل ناعم
1/2 كلغ لحمه هبره شقف
1 بصله صغيره
نصف ملعقه صغيره بهارات مشكله
نصف ملعقه صغيره كمون
رشه قرفه
ملح وفلفل اسود
قرن حر احمر
كمشه نعنع
كمشه صغيره بقدونس

الطريقه
اول شيء انقعي كوب واحد برغل بشويه ماء بصنيه على جنيب
ونجي للحمه منجيب فرامه اللحمه ونفرمها مرتين مع شويه ملح وفلفل اسود يعني حطي النصف كلغ على دفعتين وكل دفعه عدي عليها الفرم مرتين حتى تصير عندك لحمه مفرومه ناعمه جدا يعني ملساء وبعدين غطيها بكيس وحطيها بالفريزر لحد ما تكوني عملتي خلطه البرغل يعني تقريبا 5 دقايق
والان خلطه البرغل
بنفس مفرمه اللحمه حطي نصف كوب البرغل المتبقي والبصله والنعنع والبقدونس والحر الاحمر والبهارات والفلفل الاسود والملح والكمون والقرفه وفرميهم حتى تحصلي على مزيج ناعم ومتجانس
والان خذي البرغل الي كنا ناقعينه بشويه ماء وامرتيه بيدك كانك عم تعجنيحتى ينعم شوي ويتماسك على بعضه وبعدين ضيفي له اللحمه وخلطه البرغل الي عملناها واعجنيهم مع بعص حتى يتجانسوا جيده وبتحطيه بصحون صغيره ورشي عليه شويه زيت زيتون وزينيه بالنعنع الورق والفجل المقطع
وصحتين وعافيه

و للتجربه اعملي نصف الكميه واعطيني رايك فيها:27: