http://forum.hawaaworld.com/showthread.php?t=1304742
مرحبا بنات ..كيفكم طيبات
هذي الله يسلمكن >>الكبيبا الحايليه طبخه مشهوره عندنا بحايل ولذذذذيذه جدا
وكثيرر بنات يسألون عنها .......
وهي زي ورق العنب بس تختلف شوي بطريقة اللف والكشنه
والموضوع منقوول بس اعجبني متكامل الخطوات والصور
واااااااااااااااااااو تدوخ الصور ياحلاتها
بدخل بالطريقة على طوووووووووووووووول
**اغسلي الرز وهو(التمن) <<<عبارة عن رز صغير الحبة واذا ماحصلتي التمن العراقي في رز بنجلاديش او هندي كيس بلاستيك صغير لونه اخضرممكن تحصلينه عند سوبرماركت الابرار
ونقعية في الماء بالليل
وممكن تحطين شوي انا اقول شوي جريش او رز مصري عشان يصير ماده صمغيه ويلصق الرز على بعضه وعلى الورقه وماتفتتح
,,,,,,,,,,,,,
وفي الصباح ,,
**نقطع البصل والطماطم قطع صغيره.
**نضع بالخلاط قليل من الملح والبهارات وفلفل الاحمر المطحون
وكركم وشوي زيت وشوي طماطم و صلصة ومكعب ماجي وشوي ماجي ابيض
واخلطيهن بالخلاط زين وبعدين
اشخلي الرز المنقوع ليلا
وضعي هالخليط عليه وحركي الرز!!
جهزي الورق وياليت لو يكون طازج يعني توه مقطوف من المزرعه او قبل بيوم
طبعآ تنظفين الورق انك تجيب مويه جنبك وتغمسين الورقة بماء بارد مو حار عشان ماتسود الورقه وعلى طول تلفينه مو تطلعين عشان ماتصير قاسيه وتبلشين بلفه
او جيبي مناديل مبلله بمويه او فوطه وامسحي الورقه وابدي احشي الورقه بالرز واستعملي ملعقة الشاهي الصغيره
عشان ماتملين الورقه واعطي مجال للرز بالورقه عشان لما تطبخينه يتمدد ومايفقع الورقه ويطلع وتصير مخبوص مو كبيبه
نضع في ورق العنب خلطة الرز في الوسط.
*ونلف على الجوانب حتى تأخذ الشكل السداسي
*نضع في القدر قطع من لحم (الغنم).
مع شوي شحيمات عشان تصير تلمع من الدهن
*نقطع شرائح االبصل ونضعه فوق اللحمة.
وحطي اعواد كزبرة طازجه فلفل طازج
*نضع فوق اللحمه قليل من الملح والبهارات .
ولفي الورق
*نضعها في القدر اللي فيها شرايح اللحم والبصل .
واستمري على هذه الطريقة حتى يمتلي القدر من الورق طبعا مرتب بشكل مدور
وكل شوي اضعطي بيدك الورق اللي بالقدر بعد كل صف .
ونضع القدر على النارلمدة ربع ساعه بدون ماء ثم
ونصب القليل من الماء البارد اول مره عشان مايسود الورق
ثم تكونين طابخه مرق لحم قبل وتبدئين تسقين الورق كل شوي لين تنضج يمكن ثلاث او اربع مرات تسقينه بمرق اللحم وطبعآ على نار هادية
وبعدين سوي كشنه شوي زيت مع بصل مع شوي دهن بري
واسقي الرز واتركيه تقريبآ 3 ساعات على نار هاديه حتى تنضج
وبعدين طفيء النار وخليها تبرد شوي وبعدين قدميها
وصحتين وعافيه :26:
بنات الطريقه شوي مفصله ولا هي سهله :42: