الكثيرات ينزعجن من هذا الأمر ادخلن لتعرفن وش

السلام عليكم
يا هلا بالغاليات عضوات هذا المنتدى
الحقيقة طرحت موضوع يتناول تعاون الزوج مع زوجته في العناية بالأطفال
واليوم نكمل هذا الموضوع بس من باب ثاني هو متابعة الابناء في المذاكرة ومساعدتهم في واجباتهم المدرسية
الي ألحظه مع الكثيرات أنهن يشتكين بأن الأب ما غير يعتمد على الأم في كل شيء بيت وعناية بالصغار وطبخ وهذا مو مشكلة بس الي يزعج أن الأب يترك الأم وحدها تصارع على كذا جبهه هذا يبي يسمع له وهذا يبي مساعدة في مسألة رياضيات وهذه تبي تفهمها والأب بس يقول هذا من عمل المرأة وهو ينام ويرتاح ثم يخرج مع ربعه وفي النهاية اذا رسب احد الابناء يصب غضبه عليها المسكينة انتي ما تناظرينهم انتي ما تدرسينهم انتي السبب وش رايكم في هذا الأمر هل يحق للأب أن يترك كل شيء على الأم أو المفروض يساعدها ولو بمتابعة الابناء في المذاكرة والي تجده من الأباء الصنف الثاني يجيب مدرس خصوصي ولا يدري وش اسلوبه وأخلاقه اهم شي يدرس وبس معليش على الإطالة بس الي ابي منكم تعطونا وجهة نظركم بكل صراحة والله يوفق عيالنا ويحميهم من كل سوء